Байыастарга Саха сириттэн тыраныыспар саҥа баартыйатын тириэртилэр

Юрий Трутнев сорудаҕынан Арассыыйа аармыйатын, ол иһигэр Уһук Илин уокуруктан анал байыаннай дьайыы инники күөҥҥэ сылдьар хамандыырдарыгар, байыастарыгар сэп-сэбиргэл, таҥас-сап уонна тыраныыспар саҥа баартыйатын тириэртилэр.

“Патриотическай” ТОР резиденнэрин аатыттан “Тимир АТ” 106 элэктэриичэскэй матасыыкылы, “ЯКТ-СОКОЛ” хаарынан, кутанан сылдьарга (снегоболотоход) тагыстаах 19 тэрили тириэртилэр.

Итини таһынан, байыастар «Курьер» 10 робототехническэй комплексы, «Харон» 15 тепловизионнай прицелы, «Дозор-1» кэтээн көрөр прибору, Venox Patriot тепловизионнай прицелы, Nightforce оптическай прицелы, анал көстүүмнэри, араас тэрили, сэби-сэбиргэли туттулар.

“Инники күөҥҥэ сылдьааччылар, тыылга көмөлөһөөччүлэр, байыастар олохторун, эйэлээх олох дьонун быыһыы барар быраастар бары хас биирдиилэрэ уопсай кыайыыга кылааттарын киллэрсэллэр. Биһиги уолаттарбытыгар хаһааҥҥытааҕар даҕаны уопсай өйөбүл ирдэнэр. Биһиги кинилэри кытта бииргэбит. Чугаспыт. “Патриотическай” ТОР тэрилтэлэрэ пуруоҥҥа анаан араас тэрили оҥорон таһаараллар. Дойдубут кыайыылаах тахсыар диэри көмөлөһө туруохпут” – диэн Юрий Трутнев этэр. Сиһилии манна ааҕыҥ.