Хаартыскаҕа Ю.Аввакумова түһэриитэ
Горнай улууһугар Атамайга «Илии сылааһынан» диэн өрөспүүбүлүкэтээҕи аахсыйаҕа нэһилиэк уран тарбахтаах иистэнньэҥнэрэ түмүстүлэр.
Кинилэр байыастарга анаан таҥас тиктилэр. Сынньалаҥ киинин биир хоһугар Мария Яковлева салайыытынан Лидия Павлова, Анна Филиппова, Анна Дмитриева, Надежда Фёдорова иистэннилэр. Кинилэр бэйэлэрин иистэнэр массыыналарын дьиэлэриттэн аҕалан, түөрт күн устатыгар үс кэмпилиэги тиктилэр. Маны сэргэ, биллэн турар, ыраахтан-чугастан дьоммут-сэргэбит көмөлөстүлэр. Бэрдьигэстээххэ олорор биир дойдулаахпытыгар Светлана Степановаҕа, уопсай бөлөххө таһаарбыт биллэриибитин көрөн иистэнэр массыыналарга аналлаах иннэлэри аҕалбыт Анна Яковлеваҕа, Оксана Сидороваҕа, Ирина Ивановаҕа махтанабыт.
Үлэбит сарсыардаттан киэһээҥҥэ диэри. Манна дьиэлэриттэн ас астаан уонна тигиллибит таҥаһы өтүүктүүргэ, сыыһа тигиллибити көтүрэргэ Екатерина Павлова, Виктория Заровняева, Любовь Семёнова, Диана Данилова тэҥҥэ сылдьан көмөлөстүлэр.
Тапталлаах нэһилиэкпит далбар хотуттарыгар, кэрэ аҥаардарыгар бириэмэ булан, илиилэрин сылааһынан байыастарга ичигэстик таҥналларыгар сылаас таҥастары тигэн ыыппыккытыгар нэһилиэк бар дьонун аатыттан барҕа махтал! Норуот күүһэ — көмүөл күүһэ.
Валентина Яковлева
Хаартыскаҕа түһэрдэ Юлиана Аввакумова,
Атамай, Горнай.
Ил Дархан Айсен Николаев өрөспүүбүлүкэ парламеныгар туһаайыытыгар судаарыстыбаннай сиэктэр тиһигин үлэтин 1,5 төгүл түргэтэтэргэ сорудахтаата.…
ИДьМ Мэҥэ Хаҥалас оройуонунааҕы салаатын дьуһуурунай чааһыгар киэһэ балыыһаттан быһаҕынан анньыллыбыт киһи киирбитин туһунан иһитиннэрии…
Арассыыйа Бырабыыталыстыбата соторутааҕыта олоххо саамай наадалаах уонна суолталаах эмп препараттарын (ЖНВЛП) испииһэгин кэҥэттэ. Искэн, генетическэй,…
Ахсынньы 24 күнүгэр ЯК-488 Санкт-Петербург – Дьокуускай рейсин толоруу кэмигэр, салгын аалын хамандыыра, тиэхиньикэ алдьаныытынан,…
Сунтаарга буокса сиэксийэтэ аан бастакытын Сиэйэҕэ тэриллибитэ. Ол курдук, 1959 сыллаахха энтузиаст учуутал, тренер Гаврил…
Өрөспүүбүлүкэҕэ суукка иһигэр 8 буруйу оҥоруу түгэнэ бэлиэтэннэ, олорунан процессуальнай бэрэбиэркэлэр уонна хонтуруоллааһын ыытыллар. Бу…