Хаартыска Е.С.Васильева тиксэриитэ
Петухова Ирина Михайловна салайар Суотту орто оскуолатын мастарыскыайыгар иистэнэр сыахха байыастарга таҥас тигэн саҕалаабыттара үһүс сыла.
Бу үтүө санааланыы хамсааһынын технология учуутала, уран тарбахтаах, талааннаах, идэлээх иистэнньэҥ Васильева Екатерина Семеновна сүрүннүүр.
2023 сыллаахха Екатерина Семеновна биир идэлээҕин Зинаида Александровна Алексееваны кытта «Илии сылааһа» волонтердар хамсааһыннарын салайааччыта Ирина Егоровна Саввинаны кытта сөбүлэҥ түһэрсибиттэрэ, үлэлэрин саҕалаабыттара. Суотту олохтоох дьаһалтата, ол кэмҥэ баһылык Василий Иннокентьевич Иванов оскуола кэлэктиибин бу үтүө хамсааһынын өйөөн иистэнэр массыыналары ылалларыгар үп көрбүтэ. Онон саҥа иистэнэр, бүүрүктүүр массыыналары ылбыттара.
Олохтоохтор да туора турбатахтара, иискэ дьоҕурдаахтар көмөлөспүтүнэн барбыттара. Суотту оскуолатын, «Кустук» оҕо уһуйаанын, култуура тэрилтэлэрин үлэһиттэрэ, нэһилиэк бэтэрээннэрэ көмөлөһөллөр. Үлэ улахан өттүн Екатерина Семеновна бэйэтэ оҥорор, ситэрэр-хоторор. Кини салалтатынан барыта 300-чэ байыастар формаларын тиктилэр. Ону «Илии сылааһа» уопсастыбаннай тэрилтэҕэ туттарбыттара.
Екатерина Семеновна инникитин да бу хайысхаҕа салгыы үлэлэһэр санаалаах, илиитин иистэн араарбат. Кини иистэнньэҥнэр күрэстэригэр кыттан хаста да кыайыылааҕынан тахсыбыта. Байыаннай таҥаһы тигиигэ быйыл өрөспүүбүлүкэтээҕи күрэскэ Чурапчы улууһун хамаандатыгар киирсэн иккис бириистээх миэстэни ылбыттара.
Раиса Черкашина,
Суотту, Уус Алдан.
Хаартыскалар Е.С.Васильева тиксэриилэрэ
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…
2026 сыл хайдах буолуоҕун билгэһит, көрбүөччү Татьяна Захарова-Татыйык кэпсиир: — Моҕой сыла бүтэн эрэр, аны кыһыл…