Ааптар түһэриитэ.
СӨ Дьарыктаах буолууга судаарыстыбаннай кэмитиэтэ анал байыаннай дьайыы кыттыылаахтарыгар уонна кинилэр дьиэ кэргэттэригэр анаан Кэлим көмө күнүн тэрийдэ. Бу күн «Аҕа дойдуну көмүскээччилэр» пуондаҕа үлэ көрдөнөр дьоҥҥо дьаарбаҥка уонна үлэ буларга көмөлөһөр тренинг, психолог өҥөтө уонна миэдиктэр доруобуйа туругун көрүүлэрэ-истиилэрэ буолла.
Анал байыаннай дьайыы кыттыылааҕа Александр Александрович дьаарбаҥкаҕа кэлэн, үлэ көрдөөтө. Кини бу тэрээһин туһунан санаатын маннык үллэһиннэ:
— Мин урут бырамыысыланнай тэрилтэлэргэ улахан тиэхиньикэлэргэ үлэлээбитим. Суоппар идэлээх уонна бары категориям барыта баар буолан, байыаннай дьайыыга эмиэ тиэхиньикэҕэ, байыастары, таһаҕаһы, сэрии сэбин таһыыга сылдьыбытым. Бу дьаарбаҥкаҕа кэлэн, бэйэм идэбинэн «суол маастара», «мэхээнньик», о.д.а. үлэни көрдөөтүм. «Дороги Арктики» тэрилтэ вакансиятын сэргээтим, бука, дуогабардаһарым буолуо.
Байыаннай дьайыыттан уолаттар көрүүлэрэ, санаалара тосту уларыйан кэлэр. Аҕа дойдуларын көмүскээн кэлэн баран, этэҥҥэ олохторун оҥостон, дьиэ кэргэттэрин иитэр курдук, хамнастанан, дьиэлэнэн-уоттанан, олох хаамыытынан тэҥҥэ барсан, олоруохтарын наада буоллаҕа. Онон маннык дьаарбаҥкалар, көмө миэрэлэрэ наадалар, — диэн кини эттэ.
Оттон Лена Егорова, байыас ийэтэ, «Сердца солдатских матерей» түмсүү чилиэнэ маннык санаалаах:
— Дьаарбаҥка үчүгэй таһымҥа ыытылынна, элбэх кыттааччылар, байыастар ийэлэрэ, кэргэттэрэ кэлбиттэрин көрөбүн. Улахан тэрилтэлэртэн үлэ биэрээччилэр кэлбиттэр. Эрээттэринэн хаама сылдьан көрдүм, элбэх үчүгэй вакансия баар эбит. Дьарыктаах буолуу киинэ байыастар күргүөмүнэн кэлэллэригэр бэлэм буолбут эбит диэн көрдүм, — диэн эттэ.
Саха сирин олохтооҕо «Мечталлион» лотерея 93 тираһын сэттэ дьоллоох кыайыылаахтарын биирдэстэринэн буолла. Бу туһунан «Национальнай…
Сахаҕа “сах саҕаттан” диэн этии баар, суолтатын, ис хоһоонун соччо өйдөөбөтөрбүт да, туттабыт. Оттон өйдөөн-дьүүллээн,…
Сунтаар улууһун култууратын уонна айылгытын салалтата, Сунтаар бибилэтиэкэлэрин кииннэммит ситимэ сыл аайы тэрийэн ыытар «Сунтаар…
Успуорт чулуулартан чулуулары, чаҕылхайтан чаҕылхайдары таһаарарын таһынан, хайа да кэмҥэ, хайа да дойдуга норуоту сомоҕолуур,…
Айсен Николаев от ыйын 5 күнүгэр сылы быһа үлэлиир «Хотугу сулус» оҕо сынньалаҥын уонна чэбдигирдии…
Үтүө быһыыны амарах санаалаах, туруу үлэһит дьон оҥороллор диэтэхпинэ сыыспатым буолуо. Оннук дьонунан, байыаннай дьайыыга…