ЯСИА архыыбыттан
Саха сиригэр байыаннай дьайыы 694 кыттыылааҕа уонна кинилэр дьиэ кэргэттэриттэн 282 киһи үлэ миэстэтинэн хааччылыннылар.
Бу туһунан бүгүн «Якутия 24» телеханаал «Актуальное интервью» биэриитигэр нэһилиэнньэ дьарыктаах буолуутун судаарыстыбаннай кэмитиэтин бэрэссэдээтэлин солбуйааччы Георгий Борисов иһитиннэрбитин СӨ Ил Дарханын уонна Бырабыыталыстыбатын пресс-сулууспата суруйар.
—Бу былааннаах көрдөрүү 75,9 % ылар. Саха сиригэр 2025 сылга байыаннай дьайыы кыттыылаахтарын уонна кинилэр дьиэ кэргэттэрин чилиэннэрин үлэлэтэргэ 914 үлэ миэстэтэ 509 тэрилтэҕэ көрүллүбүтэ, — диэн кини этэр.
Байыаннай дьайыы кыттыылаахтарын дьарыктаах буолууларын хааччыйарга үлэ көхтөөхтүк ыытылларын, судаарыстыба оҥорор өйөбүллэрин туһунан иһитиннэриилэр бойобуой дьайыылар бэтэрээннэригэр кэмигэр тиэрдиллэн иһэллэрин бэлиэтиир.
—Маны таһынан, судаарыстыба өйөбүллэрин дьаһалларыттан биирдэстэринэн байыаннай дьайыы кыттыылаахтарын эбии үөрэхтээһин хайысхата буолар. Гражданнар бэлэмнэнии араас хайысхаларынан үөрэнэ барыахтарын сөп. Холобур, быйыл байыаннай дьайыы 12 кыттыылааҕа урбааҥҥа, суоппар, электрогазосварщик, хочуолунай операторын идэлэригэр, уо.д.а. үөрэннилэр, — диэн этэр.
Биэриигэ кини дьарыктаах буолууга туһуламмыт анал дьаарбаҥкалар ыытыллалларын бэлиэтээтэ.
—Быйыл алта дьаарбаҥка ыытылынна, ол иһигэр «Работа России. Время возможностей» Бүтүн Арассыыйатааҕы дьаарбаҥка икки түһүмэҕинэн буолла. Бу тэрээһиннэри нэһилиэнньэ дьарыктаах буолуутун сулууспалара бэйэлэрэ итиэннэ «Аҕа дойдуну көмүскээччилэр» пуонда филиалын кытта бииргэ тэрийиинэн эмиэ ыыталлар. Ыам ыйын 28 күнүгэр байыаннай дьайыы кыттыылаахтарыгар анаан биир кэлим үлэнэн хааччыйыы күнэ ыытыллыбыта. Бу күн өрөспүүбүлүкэ бары дьарыктаах буолуутун кииннэригэр байыаннай дьайыы кыттыылаахтарыгар уонна кинилэр дьиэ кэргэттэригэр 35 дьаарбаҥка ыытыллыбыта. Дьарыктаах буолуу сулууспаларын тэрээһиннэригэр 177 бэтэрээн кыттыбыта. Маннык дьаарбаҥка аны сэтинньигэ былааннанар, — диэн иһитиннэрдэ Георгий Борисов.
СӨ Ил Дарханын уонна Бырабыыталыстыбатын пресс-сулууспата
Сиһилии: https://www.sakha.gov.ru/news/10745
Бүгүн, атырдьах ыйын 28 күнүгэр, Уһук Илин федеральнай уокурук травматолог-ортопедтарын VIII сийиэһэ үлэтин саҕалаата. Сийиэс…
Өбүгэлэрбит сири ходуһа отун өҥүнэн араараллара. Уолба сир -- уу кытыыта. Боруу, өлөҥ оттоох. Отун…
Бу күннэргэ өрөспүүбүлүкэҕэ 324 тыһыынчаттан тахса туонна от бэлэмнэннэ. Бу былаан 75% тэҥнэһэр. Кыстыкка киирэр…
Билигин суола-ииһэ суох ыраах сытар сирдэргэ болдьоҕун иннинэ куоластааһын бара турар. [gallery ids="238049,238050,238051"] Өймөкөөн улууһун…
Эдьиий Дора сүбэтэ. Айаҥҥа хаһан да "бачча чааһынан тиийэбит" диир сатаммат. "Төһө түргэнник тиийэбитий" диэн…
Нам улууһун I Хомустааҕын олохтооҕо Алексей Михайлович Татаринов-Удьурҕай 1983 с. Нам педагогическай училищетын, 2004 с.…