Байыастарга туһуламмыт үлэ тиһиктээхтик салҕанар

Өрөспүүбүлүкэтээҕи социальнай-доруобуйаны чэбдигирдэр кииҥҥэ байыастары уонна кинилэр дьиэ кэргэттэрин доруобуйаларын көрүү, чэбдигирдии үлэтэ салҕанар.

Этиллибитинэн, Саха сиригэр 760 байыас уонна кинилэр дьиэ кэргэттэрин чилиэннэрэ кэлим реабилитацияны ааспыттар.

—Бу Ил Дархан Айсен Николаев сорудаҕынан ыытыллар үлэ. Кииҥҥэ байыаннай дьайыы кыттыылаахтара (403 киһи) уонна кинилэр дьиэ кэргэттэриттэн 363 киһи кэлим реабилитацияны бардылар, — диэн киин дириэктэрэ Асида Алексеева кэпсиир.

Тэрилтэ «Самородок» сөтүөлүүр сири (бассейн) кытта үлэлэһэр. Онон манна байыастарга анал дьарык ыытыллар. Ону таһынан, Арчы дьиэтигэр алгыс сиэрэ-туома ыытыллар, сэһэргэһэллэр.

Доруобуйаларын уопсай туругар, уйулҕаларыгар улахан болҕомто ууруллар, сүбэ-ама оҥоһуллар. Ол чэрчитинэн, кииҥҥэ тэрилтэлэр, түмсүүлэр бэрэстэбиитэллэрин кытта уопсайа 65 көрсүһүү ыытыллыбыт.

СӨ Ил Дарханын уонна Бырабыыталыстыбатын пресс-сулууспата