Байыастар уонна кинилэр дьиэ кэргэттэрэ, уопсайа 829 киһи, доруобуйатын чэбдигирдибит.
Өрөспүүбүлүкэҕэ социальнай арыаллааһын уонна кэлим реабилитациялааһын үлэтэ салҕанар.
—2023 сылга уонна бу сыл саҕаланыаҕыттан барыта 829 киһи доруобуйатын чэбдигирдэригэр көмө оҥоһуллубут. Хас биирдиилэригэр социальнай реабилитацияны ааһыыга, мэдиссиинэ өртүттэн тирэх буолууга болҕомто ууруллубут, — диэн этэр СӨ үлэҕэ уонна социальнай сайдыыга миниистири бастакы солбуйааччы Альбина Трубина.
Маны таһынан, кинилэргэ профориентационнай үлэ ыытыллар, үөрэнэллэригэр көмө оҥоһуллар. Маннык тэрээһин Дьокуускайга инбэлииттэр профессиональнай уонна медико-социальнай реабилитацияларын өрөспүүбүлүкэтээҕи интэринээт-техникумнарыгар ыытыллар. Ол курдук, профориентационнай үлэнэн бүгүҥҥэ күҥҥэ 398 байыас уонна кинилэр дьиэ кэргэттэрин чилиэннэрэ хабыллыбыттар, итинтэн 91 киһи үөрэммит.
Ил Дархан байыастары уонна кинилэр дьиэ кэргэттэрин өйүүргэ ыйааҕынан, байыаннай сулууспалаахтар төрөппүттэрэ санаторийга-курортка эмтэнэргэ чэпчэтиинэн туһаналларыгар, 94 байыаска уонна кинилэр дьиэ кэргэттэригэр дьиэлэрин гаастааһыҥҥа аадырыстаах көмө оҥоһуллубут.
Бэйэ дьыалатын тэриниэхтэрин баҕалаахтарга социальнай хантараакка олоҕуран социальнай көмө оҥоһуллар. Бүгүҥҥү күҥҥэ номнуо 320 байыас уонна кинилэр дьиэ кэргэттэрэ социальнай хантараак түһэрсибиттэр. Маныаха ордук бэйэ дьыалатын уонна хаһаайыстыба тэринэри сэргииллэрэ биллибит. Миниистири бастакы солбуйааччы Альбина Трубина үлэ салҕанарын бэлиэтиир.
Сиһилии https://www.sakha.gov.ru/news/front/view/id/3393111 манна киирэн көрүөххэ сөп.
СӨ Ил Дарханын уонна Бырабыыталыстыбатын пресс-сулууспата
Бөһүөлэккэ чугаһаабыт тыатааҕыны утары хайдах миэрэ ылыллыахтааҕын туһунан Сунтаар улууһугар Айылҕа харыстабылын инспекциятын салайааччыта Сергей…
Ил Түмэн көрүүтүгэр норуот дьокутааттара дойдуга Дьиэ кэргэн сылыгар Саха сиригэр өр кэмҥэ ыал буолан…
Ыам ыйын 15 күнүгэр, сэрдэҕэ, "Азия оҕолоро" оонньуулар Уотун эстэпиэтэтин Муома улууһугар көрүстүлэр. Норуоттар икки…
Уочараттаах "Олоххун уларыт!" аһымал социальнай аахсыйа бүгүн, ыам ыйын 16 күнүгэр, Дьокуускай куоракка ыытыллыаҕа. Бу…
Бу күннэргэ “Туймаада ыһыаҕа-2024” национальнай бырааһынньык официальнай саайта үлэтин саҕалаата. Дьокуускай куорат дьаһалтатын пресс-сулууспата иһитиннэрбитинэн,…
Саха сиригэр Олимпиада, Паралимпиада, Сурдлимпиада уонна Үтүө Дьулуур оонньууларын чөмпүйүөннэрин уонна призердарын матырыйаалынай өттүнэн хааччыйыыга…