Хаартыска: ааптар түһэриилэрэ
Ыам ыйын 16 күнүгэр СӨ Дьарыктаах буолуу киинэ анал байыаннай дьайыы кыттыылаахтарыгар уонна кинилэр дьиэ кэргэттэригэр анаан Кэлим көмө күнүн тэрийдэ. Бу тэрээһин бары улуустарга ыытыллар.
Бу күн «Аҕа дойдуну көмүскээччилэр» пуондаҕа үлэ көрдөнөр дьоҥҥо дьаарбаҥка уонна үлэ буларга көмөлөһөр тренинг, психолог өҥөтө уонна миэдиктэр доруобуйа туругун көрүүлэрэ-истиилэрэ буолла.
Маны тэҥэ, «Аҕа дойдуну көмүскээччилэр» пуонда салайааччыта Алексей Александров, СӨ Дьарыктаах буолууга судаарыстыбаннай кэмитиэтин бэрэссэдээтэлэ Светлана Горюшинская, «Сердца солдатских матерей» түмсүүнү салайааччы Мария Тимофеева-Федорова анал байыаннай дьайыы кыттыылаахтарын, дьиэ кэргэттэрин кытта көрүстүлэр, ыйытыыларыгар хоруйдаатылар.
— Бүгүҥҥү күҥҥэ өрөспүүбүлүкэҕэ тыһыынчаттан тахса үлэни биэрээччиттэн уон тыһыынчаттан тахса вакансия баар. Байыаннай дьайыы кыттыылаахтарыгар көмө инники күөҥҥэ тутуллар. Билигин оробуочай идэлэр ордук сыаналаналлар, быдан үрдүк хамнастаахтар. Үчүгэй вакансиялар бааллар. Дьарыктаах буолуу кииннэрэ үөрэнэргэ, идэ ыларга эмиэ көмөлөһөллөр. Биһиги байыастар эйэлээх олоххо кэлэн, оннуларын булалларыгар, үлэлээх буолалларыгар туһаайан үлэлиибит. Онон бүгүҥҥү дьаарбаҥкаҕа бэйэҕитигэр сөптөөх үлэни буларгытыгар баҕарабын, — диэн Светлана Горюшинская эттэ.
Көрсүһүүгэ байыастар уонна кинилэр ийэлэрэ, кэргэттэрэ араас ыйытыылары биэрдилэр. Холобур, байыастар оҕолоро үлэ булалларыгар туох көмө оҥоһуллар диэн ыйытыыга ыам ыйын 28 күнүгэр оҕолорго үлэ дьаарбаҥката ыытыллыаҕа диэн хоруйдаатылар. Маны тэҥэ, инбэлиит буолан кэлбит дьон үлэ булалларыгар, хас биирдиилэрин кытта туспа үлэлэһиэхпит диэн эттилэр.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…