Мария Васильева хаартыската, СИА.
Саха сиригэр бэс ыйын 1 күнүттэн байыаннай дьайыы кыттыылаахтарын өйүүр “Аҕа дойдуну көмүскээччилэр” судаарыстыбаннай пуонда салаата үлэлээн саҕалыаҕа. Ол туһунан бырабыыталыстыба бэрэссэдээтэлин солбуйааччы Георгий Степанов иһитиннэрдэ.
— Өрөспүүбүлүкэбитигэр байыаннай дьайыы кыттыылаахтарыгар уонна кинилэр дьиэ кэргэттэригэр көмө миэрэлэрэ салҕаналлар. Бэс ыйын 1 күнүттэн Арассыыйа бэрэсидьиэнин ыйааҕынан, Саха сиригэр “Аҕа дойдуну көмүскээччилэр” судаарыстыбаннай пуонда салаата үлэтин саҕалыаҕа. Анал үөрэҕи ааспыт социальнай сүрүннээччи (координатор) дуоһунаһыгар исписэлиистэри талыы түмүктэннэ. Сыл бүтүөр диэри бары улуустарга социальнай сүрүннээччилэр үлэлээн барыахтара, — диэн кини эттэ.
Георгий Степанов эппитинэн, ааспыт сыл балаҕан ыйыттан ыла Ил Дархан биэс ыйааҕа тахсыбыта. Ол чэрчитинэн, байыаннай сулууспалаахтарга уонна кинилэр дьиэ кэргэттэригэр 19 судаарыстыбаннай көмө миэрэлэрэ ылыллыбыттара диэн СИА суруйар.
— Байыастар социальнай уонна мэдиссиинэ реабилитациятын ордук хото туһаналлар. Кинилэр төрөппүттэрэ, кэргэттэрэ, сокуоннай саастарын туола илик оҕолоро социальнай реабилитация көмөлөһөр. Үлэ булалларыгар эмиэ көмө оҥоһуллар, — диэн кини кэпсээтэ.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…