Хаартыска: ЯСИА
Ил Дархан Айсен Николаев сорудаҕынан, анал байыаннай дьайыы кыттыылаахтарыгар 3251 үлэ миэстэтин таһаардылар. Бу туһунан тохсунньу 20 күнүгэр ыытыллыбыт брифиҥҥэ Дьарыктаах буолуу судаарыстыбаннай кэмитиэтин бэрэссэдээтэлин солбуйааччы Георгий Борисов эттэ.
«Ааспыт сылга Ил Дархан уонна бырабыыталыстыба улахан суолталаах быһаарыылары ылыммыттара. Өрөспүүбүлүкэҕэ 2025-2027 сылларга анал байыаннай эпэрээссийэ кыттыылаахтарын үлэнэн хааччыйыыны элбэтэр дьаһал былаана бигэргэтиллибитэ. Анал байыаннай эпэрээссийэ кыттыылаахтарыгар үлэ миэстэтин элбэтэр туһугар өрөспүүбүлүкэ үлэ кубуотатын туһунан сокуоҥҥа уларытыылар киирдилэр. Тэрилтэ таһымыттан тутулуктанан, бу кубуота тэрилтэҕэ анал байыаннай эпэрээссийэ кыттыылаахтарыгар 2% уонна 3% диэри буолар. 2025 сылга сэттэ үлэ биэрээччи үбүнэн өйөбүлү ылбыта», — диэн Георгий Борисов түмүктээтэ.
Дьарыктаах буолуу кииннэрэ 2025 сылга киэҥ далааһыннаах үлэни ыыттылар. Анал байыаннай дьайыы кыттыылаахтарыгар уонна кинилэр дьиэ кэргэттэригэр өйөбүл миэрэлэрин уонна үлэлэригэр көмө туһунан. Өрөспүүбүлүкэҕэ уонунан тэрээһин ыытылынна, ол иһигэр үлэ дьаарбаҥкалара, пуорумнар, бэстибээллэр, төгүрүк остуоллар.
Дьарыктаах буолуу сулууспатын көмөтүнэн ааспыт сылга 121 анал байыаннай дьайыы кыттыылааҕа үлэҕэ киирдэ, 12 киһи урбаанньыт үлэтин саҕалаата. 61 киһини идэҕэ үөрэтиигэ уонна эбии идэлээх үөрэххэ ыыттылар.
Былырыын өрөспүүбүлүкэ урбаанньыттара анал байыаннай эпэрээссийэ кыттыылаахтарын уонна кинилэр дьиэ кэргэттэрин 914 үлэ миэстэтигэр үлэлэтэр кубуота олохтообуттара. Бу былаан толору олоххо киирдэ.
Сиһилии: https://www.sakha.gov.ru/news/18750
Олунньуттан Саха сиригэр бырабыыталыстыба отчуота саҕаланыаҕа. Отчуоттар үгэс быһыытынан, сирэй көрсөн ыытыллыахтара диэн «Быһа кэпсэтии»…
"Онкодесант" бырайыак чэрчитинэн, 2025 сылга өрөспүүбүлүкэҕэ 1500 киһи доруобуйатын туругун бэрэбиэркэлэммитин туһунан доруобуйа харыстабылын министиэристибэтэ…
Саха сиригэр 32 саастаах киһиэхэ суут бириигэбэрэ таҕыста. Кини өлбүт аймахтарын счеттарыттан харчы уорбут уонна…
Гренландия Трампка Арктика баайыгар суол буолар. Гренландияттан сылтаан Трамп кинини утары саҥарбыт аҕыс дойдуга 10%-наах…
Тохсунньу 21-23 күннэригэр Саха сирин үөрэҕин үлэһиттэрин тохсунньутааҕы мунньаҕа буолуоҕа. Биир былаһааккаҕа Саха сирин үөрэҕин…
Мобильнай биригээдэлэр өрөспүүбүлүкэтээҕи кииннэрин бырайыага Уһук Илиҥҥэ уонна Арктикаҕа инники күөҥҥэ сылдьар бырайыак быһыытынан билинилиннэ.…