Байыастары бэлэмниэхтэрэ

Сүрүннүүр киин салайааччыта, Саха сирин бастайааннай бэрэстэбиитэлэ Андрей Федотов  беспилотник көтөр аппарааттарга уонна пулеметчиктарга сыһыаннаах кэпсэтиини ДНӨ-ҕэ исписэлиистэри бэлэмниир кииҥҥэ ыытта. Киин курсааннара беспилотниктары салайарга, үлэлэтэргэ үөрэнэллэр.

• Бастыҥ байыастары үөрэтэр сыаллаахпыт. Бастатан туран пулеметчиктары, БПЛА оператордарын уонна бронетиэхиньикэ штурмовиктарын үөрэтиэхпит, — диэн иһитиннэрдэ Андрей Федотов. Кини этэринэн, бойобуой дьайыы соруктарын үрдүк таһымнаахтык толорорго көмөлөөх.

«Маннык бэлэмнэнии көмөлөөх. Киин хамаандатын кытта толору өйдөһүү баар. Биһиги манна байыаннай сулууспалаахтары  бэлэмниэхпит».