Хаартыска sakha.gov.ru ылылынна
Ольга Балабкина Саха сирин психологтара байыастары кытары госпитальтан дьиэлэригэр кэлиэхтэригэр диэри ыкса үлэлэһэллэрин бэлиэтиир.
СӨ психологическай киинэ байыастары уонна кинилэр дьиэ кэргэттэрин кытары ыкса ситимнээх үлэтэ Арассыыйаҕа бастыҥ уопут быһыытынан бэлиэтэнэр. Бу туһунан Бырабыыталыстыба Бэрэссэдээтэлин солбуйааччы Ольга Балабкина иһитиннэрэр.
«Байыастарга психологтар тута профессиональнай көмөнү оҥороллор. Бааһырбыт байыастарга психологическай арыаллааһын туруктарыттан көрөн оҥоһуллар. Байыастары уонна кинилэр чугас дьоннорун кытары үлэ тус бэйэлэрин эрэ кытары ыытыллар. Босхо. Оттон психологическай арыаллааһын туруктара бигэтийиэр, тупсуор диэри оҥоһуллар«, — диэн этэр Ольга Балабкина.
Ааспыт нэдиэлэ устатыгар 750 биирдиилээн уонна бөлөҕүнэн үлэ ыытыллыбыт. Маныаха үлэ күүһүрэрин уонна байыаннай госпиталларга үлэлиир психологтар эбии үөрэҕи ааспыттарын Бырабыыталыстыба Бэрэссэдээтэлин солбуйааччы бэлиэтиир.
«Ил Дархан Айсен Николаев байыастары уонна кинилэр дьиэ кэргэттэрин социальнай арыаллааһыҥҥа сорудахтара, улуустарга баһылыктары социальнай боппуруостарга солбуйааччылар тэрийбит сүрүннүүр бөлөхтөрүнэн толоруллаллар. Туох баар боппуруостарынан кинилэргэ сибээскэ тахсаллар. Социальнай боппуруостарга баһылыктары солбуйааччылар бары өйөбүлү уонна хардарыта сибээһи икки суукка иһигэр олохтуохтаахтар«, — диэн этэр Ольга Балабкина. Маныаха сорох ыйытыыларга сиһилии быһаарыы, чопчулааһын ирдэнэрин бэлиэтиир.
Вице-премьер этэринэн, кэнники күҥҥэ 394 байыас уонна 721 кинилэр дьиэ кэргэттэрэ чөлгө түһүүнү ааспыттар. Санаторийга, курортка 193 киһи сылдьыбыт.
СӨ Ил Дарханын уонна Бырабыыталыстыбатын пресс-сулууспата
Судаарыстыбаннай Дуума дьокутаата Игорь Антропенко оскуолаларынан оҕолорго Сэбиэскэй кэминээҕи Саҥа дьыллааҕы остуоруйалары көрдөрөр туһунан этии…
Ас-үөл хаачыстыбатыгар уонна куттала суох буолуутугар Ил Дархан иһинэн координационнай сэбиэт мунньаҕар оскуолалары, уһуйааннары, социальнай…
Саха сиригэр дойду биир саамай бөдөҥ уонна технологическай өттүнэн уустук инфраструктурнай бырайыага – Өлүөнэ күргэтин…
Өрөспүүбүлүкэ борокуруора Сергей Дябкин сорудаҕынан, Ленскэй улууһун борокуратуурата Ленскэй куорат «Севернай» түөлбэҕэ хас да элбэх…
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…