Байыастары кытта иһирэх көрсүһүү

Байыастары кытта иһирэх көрсүһүү

Ааптар:
02.04.2023, 14:45
Хаартысканы В.Посельскай ыытта
Бөлөххө киир:

Саха Өрөспүүбүлүкэтин физическэй култуураҕа уонна спорка үлэһиттэрин  биир идэлээх сойуустарын тэрилтэтэ байыаннай дьайыыттан кэлбит байыастары кытта көрүстэ, атах тэпсэн олорон сэһэргэстэ.

Манна Покровскайдааҕы единоборствоҕа Олимпийскай эрэллэри бэлэмниир успуорт оскуолатын дириэктэрэ Александр Куприянов кыттыыны ылла. Көрсүһүүнү биир идэлээх сойуустар бэрэссэдээтэллэрэ Гаврил  Сивцев салайан ыытта.

Өрөспүүбүлүкэ физическэй култуураҕа уонна успуорка үлэһиттэрин профсоюһун салайааччыта этэринэн, ааспыт күһүн алтынньыга военкомат бэбиэскэтинэн ыҥырыллыбыт уонна бэйэлэрин баҕаларынан Украинаҕа байыаннай дьайыыга успуорт 13 үлэһитин атаарбыттар. Министиэристибэ, биир идэлээх сойуустарын тэрилтэтэ уонна спортоскуола өртүлэриттэн үбүнэн-харчынан, таҥаһынан-сабынан күүс-көмө оҥоһуллубут, дьиэ-кэргэттэрин кытта ситим олохтоммут. Күн бүгүнүгэр диэри гуманитарнай көмөлөр оҥоһулла тураллар.

Кулун тутар 14 күнүгэр Дьокуускай аэропордугар кэлбит байыастары успорт миниистирэ Леонид Спиридонов көрсүбүтэ, сэртипикээттэри туттартаабыта. Дойдуларыгар эргиллэн кэлбит байыастар ортолоругар Покровскайдааҕы единоборствоҕа Олимпийскай эрэллэри бэлэмниир оҕо спорт оскуолатын каратэҕа, тхэквондоҕа тириэньэрдэрэ, бэйэлэрин кэмнэригэр өрөспүүбүлүкэ биллиилээх спортсменнара А.Артамонов, М.Абрамов, И.Самсонов бааллар.

М.Абрамов Ис Дьыала органнарыгар үлэлии сылдьан Чечняҕа байыаннай дьайыыга кыттыыны ылбыта.  Успуорт бэтэрээнэ. Уола байыаннай дьайыыга ыҥырыллан сулууспалыы сылдьар. Эдэр-эмэн сааһыгар буоксаҕа өрөспүүбүлүкэ чөмпүйүөнэ, бэстилиэтинэн ытыыга өрөспүүбүлүкэҕэ элбэхтик бастаабыта.

А.Артамонов Покровскай спортоскуолатыгар патриотическай иитии сэбиэтин чилиэнэ.  Контакт-каратеҕа, фул-контакт каратеҕа, саньдаҕа, саватка, быраабылата суох охсуһууга уонна хапкидоҕа Сахатын сиригэр аан бастаан суолу тэлбит спортсмен.  Кыраныысса таһыгар күрэхтэһиилэргэ ситиһиилэринэн хара курдаах. Сэбиэскэй кэмҥэ профессионалларга  WKA каратэҕа чөмпүйүөнэ, Ленинград куорат икки төгүллээх чөмпүйүөнэ, үгүс Бүтүн Союзтааҕы уонна норуоттар икки ардыларынааҕы турнирдар кыайыылаахтара. ССРС боруонса призера. Финляндия уонна АХШ хамаандаларын кытта матчевай көрсүһүүлэр кыттыылааҕа. Япония хамаандатын утары киирсиигэ аан дойду сүүмэрдэммит хамаандатын чилиэнэ. Аан дойду үс төгүллээх чөмпүйүөнүн Иннокентий Макаровы, Азия чөмпүйүөнэ Виталий Шадрины, Европа медалискатын Маргарита Колодезникованы уо.д.а. ииппит тириэньэр.

И.Самсонов Покровскай спортоскуолатын тхэквондоҕа тириэньэрэ. Байыастар снайпер, разведчик, артиллерист быһыытынан атын-атын чаастарга сулууспалаабыттар. Чечня Гудермес куоратыгар бэлэмнэниини ааспыттар. Сахаларын сириттэн көмө оҥоһулларыгар улахан махталларын биллэрэллэр. Байыастары единоборство көрүҥнэригэр үөрэппиттэр, патриотизм тыыныгар иитии-өйдөтүү үлэтин ыытан болҕомто ортотугар сылдьыбыттар. Сытар ынаҕы туруорбат сымнаҕас майгылаах уолаттар тиийэннэр “харахтара уоттанар”, хамсаналлара-имсэнэллэрэ сылбырҕа, хамандыырдара биэрэр сорудахтарын,  бирикээстэри улгумнук, дэбигис толороллорунан хайҕаналлар. “Тревожнай рюкзактарын” аттыларыгар уурунан, хаһан-ханнык баҕарар хайысхаҕа барарга мэлдьитин бэлэм буолаллар. “Боотур хаанын” илдьэ сылдьаллар.

Айылҕаҕа, булка-алка сыһыаннара, көтөртөн-сүүрэртэн, кыылтан-сүөлтэн астарын булуналлара, сатабыллара, кытаанах усулуобуйаҕа тулуурдара, толлугаһа суохтарынан, хорсуннарынан атыттары сөхтөрөллөр. Сахаларын быһаҕын иилинэн, сиэргэ-туомҥа сыһыаннарынан, саха итэҕэлин тутуһа сылдьалларынан, убаастабылынан туһаналлар эбит.

Босхоломмут уонна урусхалламмыт куораттары, дэриэбинэлэри чөлүгэр түһэрии күргүөмнээхтик  барар. Саха сирэ Кировскай куораты кытта шефтэһэн, саҥардан тутууга үлэ бөҕөнү ыытара биллэ-көстө олорор дииллэр. Олохтоох нэһилиэнньэ Арассыыйа көмөлөһөрүттэн үөрэрин, махтанарын биллэрэр. Кэлэллэригэр бииргэ сулууспалыыр уолаттара, олохтоохтор сайыһа хаалбыттар.

Сахаларын сиригэр төннөн, этэҥҥэ эргиллэн кэлэллэригэр ыччаты успуорка уһуйуунан эрэ муҥурдаммакка, байыаннай-патриотическай иитиигэ болҕомтону күүһүрдэргэ сорудах, ыйыы-кэрдии ылбыттар. Умнууга хаалбыт начальнай-байыаннай бэлэмнэнии  (НВП) сөргүтүллүөхтээҕэ күүтүллэр. Дойдуларыгар тыа хаһаайыстыбатынан дьарыктанар санаалаахтар. Биир идэлээх сойуус аатыттан гражданскай ытык иэстэрин эрдээхтик толорбут байыастарга Махтал суруктар туттарылыннылар.

Ити курдук, Сахабыт сирин спортсменнара инники кэккэҕэ тураллара хайҕаллаах.

Баһылай Посельскай,

Дьокуускай.

Хаартыскалар ааптар  түһэриилэрэ

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
13 июля
  • 31°C
  • Ощущается: 30°Влажность: 35% Скорость ветра: 4 м/с

Сообщить об опечатке

Текст, который будет отправлен нашим редакторам: