Балаҕан ыйыгар Дьокуускайга библиографическай конгресс буолар

Быйыл балаҕан ыйын 16-19 күннэригэр  Дьокуускайга IV  аан дойдутааҕы библиографическай конгресс буолуоҕа. 

Бу күннэргэ киин куоракка бибилэтиэкэлэр бэрэстэбиитэллэрэ, итиннэ туһааннаах эспиэртэр, учуонайдар, кинигэни таһаарааччылар, программистар кэлэн кыттыахтара уонна билиҥҥи аныгы кэмҥэ култуурунай нэһилиэстибэни чөл хаалларыыга санааларын этиэхтэрэ.  Тэрээһин кэмигэр  12  сиэссийэ үлэлиэ.  Сүрүн пленарнай сиэссийэҕэ «Культурные пространства нового поколения: как библиотеки становятся центрами общественной жизни» диэн тиэмэ тула кэпсэтии барыаҕа. Онтон  «ИИ в информационном пространстве: границы возможного» диэн экспертнэй сиэссийэҕэ бары хайысхалартан тустаах исписэлиистэр кыттыахтара,  кинилэр санааларын, этиилэрин тиэрдиэхтэрэ. Маны тэҥэ, «Виртуальное справочно-библиографическое обслуживание»  уонна «Детское чтение в эпоху цифровизации: трансформация и развитие» диэн тиэмэлэргэ төгүрүк остуоллар ыытыллыахтара.