Хаартыска: СИА
Сиргэ G1 кылаастаах күүстээх магнитнай буурҕа саҕаланна. Күн астрономиятын лабораториятын ИКИ РАН уонна ИСЗФ СО РАН саайтыгар магнитнай буурҕа бэҕэһээ, балаҕан ыйын 11 күнүгэр, саҕаламмыта.
Итини таһынан маннык күүстээх буурҕа аны балаҕан ыйын 13 күнүгэр түһэрэ күүтүллэр. Эспиэрдэр сабаҕалыылларынан буурҕа орто таһымыттан тахсан, G2 кылааска диэри тиийиэҕэ.
Бу иннинэ Күн астрономиятын лабораториятыгар балаҕан ыйын 9 күнүгэр күҥҥэ улахан эстиилэр буолбуттарын туһунан иһитиннэрбиттэрэ. Онно учуонайдар оптуорунньуктан саҕалаан икки улахан күн охсуута күүтүллэрин сэрэппиттэрэ уонна магнитнай буурҕа суукка устата дьайарын быһаарбыттара.
Ону кытта аныгыс магнитнай буурҕалар бу сыл балаҕан ыйын 26-27 күннэригэр уонна алтынньы 7-8 күннэригэр түһэллэрэ күүтэллэр.
Күүстээх магнитнай буурҕа кэмигэр сүрэх-тымыр ыарыылаах дьон-сэргэ дабылыанньалара түһүөн-тахсыан, доруобуйалара мөлтүөн сөп. Онон бу күннэргэ бэйэни кэтэнэн көрөн, ноҕуруускаламмакка сылдьыахха наада. Маны тэҥэ, араадьыйа, сибээс, сир аргыстарын үлэлэригэр харгыстар тахсыахтарын сөп.
Соторутааҕыта Мэҥэ Хаҥалас улууһугар Төҥүлү нэһилиэгэр “Нөмүгү“ сайылыгар уонтан тахса сыл олохсуйан олорор Николай Баишев-Бойцов…
Быйыл Ньурбатааҕы судаарыстыбаннай көһө сылдьар драматическай тыйаатыр бастакы дириэктэрэ, Саха АССР үтүөлээх артыыһа Александр Алексеевич…
Өймөкөөн улууһугар уһун кэмнээх ардахтартан сорох нэһилиэнньэлээх пууннар ууга барбыттарынан сибээстээн, балаҕан ыйын саҥатыгар Өймөкөөн,…
Бүгүн, балаҕан ыйын 19 күнүгэр, Ил Дархан Айсен Николаев Орто Халыма куоратыгар үлэлээтэ. “Орто Халыма…
Синоптиктар бэлиэтииллэринэн, балаҕан ыйын 20 күнүгэр киин улуустарга -3...-8 кыраадыска диэри тымныйыан сөп. Дьокуускайга түүн …
Дьокуускай куоракка уулуссалар ааттарын, дьиэлэр нүөмэрдэрин бэрэдээктээһин ыытыллар буолбута көстөр. Ол курдук, соторутааҕыта Ленин проспегар…