Хаартыска: Людмила Попова.
«Сулустаах» түөлбэ аттыгар саҥа үөрэх дьылын саҕаланыытыгар 990 миэстэлээх 40-с нүөмэрдээх орто оскуола аһыллыаҕа. Аныгылыы үөрэх эбийиэгин «ПроШкола» хампаанньа (ВЭБ.РФ тэрилтэтэ) СӨ Экэниэмикэҕэ министиэристибэтин кытта түһэрсибит концессионнай сөбүлэһиитин чэрчитинэн туттулар.
Бырайыак сыаната — 2,2 млрд солкуобай. Дьиэ үс куорпустан турар. Оскуолаҕа 500 миэстэлээх остолобуой, мэдиссинэ блога, актовай уонна икки успуорт саалата, хореография, тыйаатыр уонна дыраама куруһуоктарын устуудьуйалар бааллар. Доруобуйаларынан хааччахтаах оҕолорго табыгастаах эйгэ ирдэбиллэригэр эппиэттиир. Оскуолаҕа профильнай кылаастар тэрилиннилэр. Оҕолору математикаҕа, мэдиссиинэҕэ, педагогикаҕa, инженерияҕа уонна айылҕа наукаларыгар үөрэтиэхтэрэ. Үөрэх нуучча уонна саха тылларынан тэҥинэн ыытыллыаҕа.
Дьиэ биир аҥаардас өттө Патриотическай иитии киинигэр анаммыт. Онно устуоруйа, тактическай мэдиссиинэ кэбиниэттэрэ, интерактивнай түмэл уонна тирдээх байыаннай бэлэмнэнии саҕаланыытын кылаастара киирэллэр. Өссө биир сир — омук тыыныгар оҥоһуллубут духуобунас саалата. Манна үөрэнээччилэр дойду уонна эрэгийиэн историческай нэһилиэстибэлэрин кытта билсиэхтэрин сөп. Дьиэ ортотугар — вестибюлу актовай саала фойетын кытта ситимниир икки этээһи хабар үрдүк сырдык сир баар. Онно аһаҕас кирилиэс уонна коворкинг-зона оҥоһулунна, оҕолор онно үөрэнэр, бэйэ-бэйэлэрин кытта кэпсэтэр уонна уруоктар быыстарыгар сынньанар кыахтаахтар.
Таһырдьа дьарыктанарга оскуола территориятыгар сүүрэр суол, баскетбол уонна волейбол, гимнастика уонна хамсаныылаах оонньуулар былаһааккалара оҥоһулуннулар.
«Билии күнүгэр, балаҕан ыйын 1 күнүгэр, биһиги Саха сиригэр саамай улахан, 17 тыһыынча квадратнай миэтэрэттэн тахса иэннээх оскуоланы арыйабыт. Бу кэрэ-бэлиэ эбийиэк – судаарыстыба уонна биисинэс таһаарыылаахтык бииргэ үлэлээһиннэрин түмүгэ – Михаил Ефимович Николаев аатын чиэстээхтик сүгүөҕэ. Бу – улахан чиэс уонна сүдү эппиэтинэс. Эрэнэбин, үчүгэй усулуобуйа уонна педагогическай кэлэктиип сыралаах үлэтин түмүгэр, бу оскуола биһиги бастакы бэрэсидьиэммит хас биирдии эдэр Саха сирин олохтооҕун тус-туспа сайыннарыыга уонна бэйэни толору арыйыыга идиэйэлэрин олоххо киллэриигэ холобурунан буолуоҕа», — диэн Айсен Николаев эттэ.
Оскуола Саха сиригэр эрэгийиэн былаастара уонна «ПроШкола» хампаанньа концессионнай сөбүлэһиилэрин чэрчитинэн тутуллубут бастакы эбийиэгэ буолбатах. Бу мэхэньииһим олохтоох бүддьүөккэ ноҕуруусканы аччатан, аныгылыы үөрэх эбийиэктэрин түргэнник тутарга кыах биэрэр. Үбүлээһин хапытаалынай грааннар (үксүн федеральнай) уонна кредитордар — ВЭБ.РФ уонна «Сбербанк» ААУо үптэринэн олоххо киирэр. Муниципалитеттар бэлэм социальнай эбийиэги бас билиигэ ылан, иэһин 10–15 сыл устата чааһынан төлөһөр кыахтаналлар.
Үөһээ Бүлүү улууһун Хомустаах сэлиэнньэтигэр саҥа искибиэр үөрүүлээх быһыыга-майгыга аһылынна. Бу РФ Бэрэсидьиэнэ Владимир Путин…
2022 сыллаахха оҥоһуллубут Саха сиригэр саҥа көлүөнэ «Экстра Синема» киинэ ситимэ өрөспүүбүлүкэҕэ креативнай индустриялар уларыйыыларын…
Владивосток куората «Саха сирин тимир суоллара» акционернай хампаанньа Куубагын иһин мас-рестлиҥҥэ аан дойдутааҕы турниры ыытарга…
Дьокуускайга Сэбиэскэй Аармыйа 50 сыла уулуссаҕа айан-сырыыны хааччахтыыр туһунан иһитиннэрдилэр. Уулуссаны сабыы нэдиэлэттэн ордук кэмҥэ…
Өрөспүүбүлүкэ үгүс мэдиссиинэ тэрилтэлэрэ холбоммут ТГ-ханаалга анал чаттарыгар бүгүҥҥү күҥҥэ 936 киһи тус ыйытыылардаах таҕыста.…
Феликс Романов салайыытынан олохтоох салайыныыга уонна регламеҥҥа хамыыһыйатын мунньаҕа буолла. Хамыыһыйа үлэтигэр хамыыһыйа чилиэннэрэ Евдокия…