Хаартыска: ЯСИА
Госдуума дьокутааттара үөрэх дьылын иннинэ оскуола үөрэнээччилэрин биир төрөппүтүгэр тиийинэн олоруу алын кээмэйинэн (МРОТ) сыл аайы төлөбүр аныыр туһунан сокуон барылын оҥордулар.
Докумуон бырабыыталыстыбаҕа ыытылынна диэн ТАСС иһитиннэрэр. Сокуон барылын ааптардарынан Госдуума Үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин салайааччыта Ярослав Нилов, Дьиэ кэргэни көмүскүүр, аҕа, ийэ буолуу уонна оҕо саас боппуруостарыгар кэмитиэт бэрэссэдээтэлэ Нина Останина, Балаата гражданскай уопсастыбаннаһын сайыннарар, уопсастыбаннай уонна итэҕэл түмсүүлэрин боппуруостарыгар кэмитиэтин салайааччыта Яна Лантратова буолаллар.
Барыллаан сабаҕалааһынынан, төлөбүр дойду үрдүнэн олохтоммут тиийинэн олоруу алын кээмэйигэр тэҥнэһиэҕэ. Ааптардар бу сууманы дьиэ кэргэҥҥэ баар хас биирдии оскуола үөрэнээччитигэр төлүүргэ этии көтөхтүлэр.
Билигин дойдуга тиийинэн олоруу алын кээмэйэ 17 773 солкуобайга тэҥнэһэр. Үлэлиир кыахтаах нэһилиэнньэҕэ тиийинэн олоруу алын кээмэйэ — 19 329 солкуобай, биэнсийэлээхтэргэ – 15 250 солкуобай, оҕолорго – 17 201 солкуобай буолар.
Парламентарий Ярослав Нилов чуолкайдаабытынан, сокуон барыла оҕолору оскуолаҕа хомуйууга төрөппүттэргэ үбүнэн-харчынан көмө оҥорорго туһуланар. Кини бэлиэтээбитинэн, оскуола таҥаһын, атах таҥаһын, үөрэх тэриллэрин сыаналара сүрдээх үрдүк буолан, үгүс дьиэ кэргэҥҥэ бары наадалааҕы хомуйарга уустук дьыала — ордук дьиэ кэргэҥҥэ оскуола саастаах хас да оҕо баар буоллаҕына.
Cаха сирин синоптиктарын сабаҕалааһыннарынан бүгүн, ахсынньы 24 күнүгэр, Арктика кытылынан сорох сиринэн хаардыыр. Бу туһунан…
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…