Хапытаалынай өрөмүөн төлөбүрдэригэр кэмпэнсээссийэ ким ыларый?

Саха сиригэр бу сыл балаҕан ыйын 1 күнүттэн элбэх оҕолоох  дьиэ кэргэттэргэ хапытаалынай өрөмүөн төлөбүрдэригэр кэмпэнсээссийэ олохтонор.

Саҥа өйөбүл элбэх оҕолоох дьиэ кэргэттэргэ Саха сирин Бырабыыталыстыбатын уурааҕынан,  дойду Бэрэсидьиэнэ Владимир Путин Ыйааҕынан уонна Ил Дархан Айсен Николаев Ыйааҕынан  бу сыл балаҕан ыйын 1 күнүттэн күүһүгэр киирэр.

— Бу сыл балаҕан ыйын 1 күнүттэн элбэх оҕолоох дьиэ кэргэттэр элбэх кыбартыыралаах дьиэ хапытаалынай өрөмүөнүгэр ааҕыллыбыт усунуостан 30%-наах кэмпэнсээссийэ аахтаран ылыахтарын сөп. Төлөбүр 12 ый устата усунуоһу көтүппэккэ төлөөбүт ыалларга ананар, эбэтэр иэстээх ыал иэстэрин төлүүллэригэр сөбүлэһии түһэрсиллибит буолуохтаах, — диэн СӨ Элбэх кыбартыыралаах дьиэлэрин хапытаалынай өрөмүөҥҥэ пуондатын бас билээччилэри кытта үлэҕэ отделын наачаалынньыга  Саида Петрова быһаарда.

Кэмпэнсээссийэ «Субсидия ааҕыныстыба» тэрилтэ филиалларын нөҥүө ааҕыллар (консультацияланарга босхо нүөмэр: 8-800-222-50— 70).Санатан эттэххэ, Саха сиригэр элбэх кыбартыыралаах дьиэ хапытаалынай өрөмүөнүгэр усунуостарыгар кэмпэнсээссийэ ааҕыы хас да көрүҥэ үлэлиир: анал байыаннай дьайыы кыттыылаахтарыгар, 70-тан тахса аҕам саастаахтарга уонна Аҕа дойду Улуу сэриитин кыттыылаахтарыгар