Балаҕан ыйын 1 күнүттэн потребительскай кирэдьиити ыларга уларыйыылар киирэллэр

2025 сыл балаҕан ыйын 1 күнүттэн баантан эбэтэр микро-үп тэрилтэлэриттэн (МФО) ханнык эрэ табаары ыларга эбэтэр өҥөнөн туһанарга кирэдьииккэ (потребительскай) 50 тыһыынчаттан тахса сууманы иэс  уонна тута ылар кыаллыбат буолуоҕа.

Ол эбэтэр 200 тыһыынчаҕа диэри суумалаах потребительскай кирэдьиити уонна сойуому дуогабар түһэрсиллибитин  кэннэ 4 чааһынан эрэ, онтон үөһээ суумалааҕы 48 чаас эрэ кэннэ биэриэхтэрэ.
Килийиэн бу кэм устата санаата уларыйыан уонна кирэдьиит биэрээччигэ этэн, харчы ыларыттан аккаастаныан сөп. Маннык аккаас кэлин туох да  содула суох буолуоҕа. Дуогабар түһэрсэргэ бааннар уонна МФО-лар килийиэн чахчы бэйэтэ баҕаран туран дуогабар түһэрсэрин бэрэбиэркэлиэхтэрэ (антифрод-тэрээһиннэринэн).
Ону сэргэ,  балаҕан ыйын 1 күнүттэн кирэдьиит ыларга бэйэни бобуу (самозапрет) кыаҕа өссө кэҥиэҕэ. Ол эбэтэр кирэдьиит эбэтэр сойуом ылартан аккаастаныы докумуонун Элбэх хайысхалаах киин (МФЦ) нөҥүө оҥоруохха сөп буолуоҕа (бу иннинэ Судаарыстыбаннай өҥөлөр порталларын эрэ нөҥүө этэ).