Балаҕан ыйын 1 күнүттэн суоппардарга мэдиссиинэ ыспыраапкатын биэрэллэригэр сөп түбэспэт буолуу саҥа испииһэгинэн бэрэбиэркэлиэхтэрэ

Балаҕан ыйын 1 күнүттэн мэдиссиинэ хамыыһыйата суоппардары, ону тэҥэ, тырааныспары ыытыахтаах хандьыдааттары саҥа испииһэгинэн көрүөҕэ. Бу туһунан РГ саайтыгар суруйаллар.

Массыынаны ыытар көҥүллэммэт испииһэгэ уларыйыаҕа. Маныаха Бырабыыталыстыба сөп түбэһэр уурааҕа олоххо киириэҕэ.

Санатан эттэххэ, суоппардарга мэдиссиинэ ыспыраапката сотору-сотору ирдэммэт. Массыына ыытар дастабырыанньаны (права) уларытарга уон сылга биирдэ наада. Итиэннэ арыгы иһэн баран уруулга олорон тутулуннахха, мэдиссиинэ туоһулааһыныттан (медосвидетельствования) аккаастаннахха быһыллыбыт быраап болдьоҕун кэнниттэн төнүннэрэргэ ирдэнэр.

Билиҥҥи докумуон барыйаана уон сыл анараа өттүгэр ылыныллыбыта. Матассыыкылы, кыра массыынаны уонна газели ыытааччыларга сорох хааччахтар уһуллубуттара – кулгаахтарынан кыратык истибэттэргэ уонна сорох түгэҥҥэ дальтонизмнаахтарга судургутутуллубута.

Ону таһынан, глаукомалаах, сүрэх ишемическай ыарыылаах, астмалаах, искусственнай хрусталиктаах уонна кэккэ ыарыылаах дьон бэйэтин массыынатын ыытара көҥүллэнэрэ.

Тырааныспары ыытыыга көҥүл бэриллибэт толору испииһэк:

• — уйулҕа симптоматическай кэһиллиитин киллэрэн туран дириҥ төрүттээх (органические) ыарыылар;
• — шизофрения, шизотипическай уонна түлэй-балай (бредовый) кэһиллиилээх;
• — настарыанньа кэһиллиитэ (аффективные расстройства);
• — истириэһи уонна соматоформнай кэһиллиини кытта ньиэрбэ ыарыылара;
• — өйүнэн тиийиммэт буолуу;
• — уопсай психологическай быһыы-майгы кэһиллиитэ;
• — психоактивнай бэссэстибэлэри туһаныыны кытта сибээстээх психологическай кэһиллиилэр;
• — эпилепсия
• — бинокулярнай көрбөт буолуу (слепота бинокулярная), о.д.а.

Бу туһунан Российская газета саайтыгар суруйаллар.