Балаҕан ыйын 20 күнүгэр «Нациялар кросстара» ыытыллыаҕа

Балаҕан ыйын 20 күнүгэр Дьокуускайга «Нациялар кросстара» сыллата ыытыллар сүүрүү буолуоҕа. Күрэхтэһии Аччыгый Хатыыстаах арыы сиригэр-уотугар ыытыллыаҕа диэн УФКиМС пресс-сулууспата иһитиннэрэр.

Маассабай сүүрүүгэ баҕалаах РФ гражданнара бары кыттыахтарын сөп. Кыттааччылары саастарынан көрөн категорияларга араарыахтара:

• 2008–2010 с.т. кыргыттар уонна уолаттар;
• 2007 уонна онтон үөһээ с.т. эр дьон уонна дьахталлар.

Итиэннэ туспа стартынан буолуохтара:

• күүстээх спортсменнар;
• салайааччылар сүүрүүлэрэ;
• доруобуйаларыгар хааччахтаах дьон сүүрүүлэрэ.

Регистрация 9 ч. саҕаланар, 11 ч. спортсменнар, салгыы салайааччылар сүүрүөхтэрэ. Маассабай сүүрүү 11:50 чаастан саҕаланар.