Балаҕан ыйын 27 күнэ: хаар, ардах уонна +10 кыраадыс

Бүгүн, балаҕан ыйын 27 күнүгэр, Саха сирин сорох улуустарыгар хаар, ардах түһэрэ, итиэннэ күнүс +10 кыраадыс буолара күүтүллэр диэн УГМС иһитиннэрэр.

Хоту, хотугулуу-арҕаа улуустарга хаар түһүөҕэ, арҕаа, киин уонна соҕуруу улуустарга сорох сирдэринэн инчэҕэй хаар түһэрэ, арҕаа хаардаах ардах түһэрэ сабаҕаланар диэн суруйаллар.

Сөкүүндэҕэ 9-14 миэтэрэ түргэннээх тыаллаах, күнүс киин, соҕуруулуу-илин улуустарга сөкүүндэҕэ 15-20 миэтэрэ түргэннээх тыаллаах, соҕуруу сорох сирдэринэн сөкүүндэҕэ 14-22 миэтэрэ түргэннээх тыаллаах.

Күнүс салгын температурата — 0,+5°, хоту 0,-5°, Халыма-Индигиир улуустарыгар +5+10°.