Балаҕан ыйын 8 күнэ: хаһыҥ, инчэҕэй хаар, күнүс +19°С

Саха сирин синоптиктара билгэлииллэринэн, бүгүн, балаҕан ыйын 8 күнүгэр, Саха сирин соҕуруу улуустарыгар кыралаан ардыыр, сорох сиринэн  самыыр түһүөҕэ.

Хоту, хотугулуу-илин кыралаан ардыыр, сорох сиринэн инчэҕэй хаардаах самыыр түһэрэ күүтүлэр. Сиккиэр тыаллаах, хотуттан, хотугулуу-илинтэн, Өлүөнэ алын тардыытынан тыал сөкүүндэҕэ 9-14 м. тиийэ күүһүрэр.

Салгын температурата түүн +2…+7°, халлаан халыннаҕына арҕаа, хотугулуу-арҕаа -4°С кыраадыска диэри сөрүүдүйэр, хотугулуу-илин -4…-9° буолуоҕа, хаһыҥ түһүөҕэ.

Күнүс +14…+19° кыраадыс сылаас, соҕуруу самыыр кэмигэр, хотугулуу-арҕаа, хотугулуу-илин +9…+14°, хоту +3…+8° кыраадыс сылаас.

Дьокуускайга синоптиктар сабаҕалыылларынан, температура биллэрдик намтыаҕа. Түүн +1…+3°, оттон куорат таһыгар 0…-2° кыраадыска диэри тымныйыа. Күнүс салгын температурата +15…+17° кыраадыс буолуоҕа диэн Саха сиринээҕи гидрометеосулууспа саайта иһитиннэрэр.