Хаартыска: 2-с №- дээх өрөспүүбүлүкэтээҕи балыыһа пресс-сулууспата
Балаҕан ыйын 10 күнүттэн мобильнай хирургия биригээдэтэ Амматааҕы киин балыыһаҕа үлэтин саҕалаата.
2-с №-дээх өрөспүүбүлүкэтээҕи балыыһа — суһал мэдииссиинэ пуунун хирургтара олохтоохтору балаҕан ыйын бүтүөр диэри көрүөхтэрэ. Быраастар биригээдэлэрэ икки бөлөҕүнэн арахсан үлэлииллэр. Амма улууһугар бастакы бөлөх балаҕан ыйын 19 күнүгэр диэри үлэлиэҕэ. Бу бөлөххө оториноларинголог, травматолог-ортопед, анестезиолог- реаниматолог быраастар, медсиэстэрэ-анестезист, операционнай медсиэстэрэлэр үлэлииллэр. Миэдиктэр 20-тэн тахса эпэрээссийэни ыытар былааннаахтар. Мэдиссиинэ үлэһиттэрин үлэ бастакы күнүгэр оройуон баһылыга Степан Кузьмин көрсүһүүгэ ыҥырда. Амматааҕы киин балыыһа кылаабынай бырааһын кытта хирургтар үлэ былаанын кытта үллэһиннилэр. Иккис бөлөх балаҕан ыйын 21 күнүттэн үлэлиэҕэ уонна ый бүтүүтэ үлэтин түмүктүөҕэ. Оройуон нэһилиэнньэтигэр ангиохирург, анестезиолог- реаниматолог, хирург быраастар, медсиэстэрэ-анестезист уонна операционнай медиссиинэ сиэстэрэлэрэ туһааннаах көмө оҥоруохтара.
Санатан эттэххэ, «Мобильнай хирургическай киин» бырайыак Ил Дархан Айсен Николаев сорудаҕынан бу сыл тохсунньуттан саҕаламмыта. Бырайыак иитинэн киин оройуоннааҕы балыыһаларга Саха сирин олохтоохторо былааннаах хирургическай анал көмөнү туһанар кыахтаналлар.
Балаҕан ыйын 11 күнүттэн "Сибэкки биэрээри" диэн саҥа киинэ бары киинэ тыйаатырдарыгар көстүөҕэ. Бу иннинэ…
Үрдүк, орто үөрэх кыһаларын устудьуоннара истипиэндьийэни таһынан араас чэпчэтиилэри туһаналлар. Туох көрүллүөхтээҕин туһунан сиһилии Объясняем.рф…
Сарсын, балаҕан ыйын 10 күнүгэр, Сунтаар улууһун маҥнайгы поэтессата, Норуоттар икки ардыларынааҕы суруйааччылар сойуустарын чилиэнэ,…
Дьокуускайга 69 саастаах эр киһи түөкүттэргэ албыннатан, кыбартыыратын былдьатта. Хара санаалаах түөүктэр, Росфинмониторинг уонна быраап…
Бэҕэһээҥҥиттэн, балаҕан ыйын 8 күнүттэн, “Саха сирэ – дьоруойдар сирдэрэ” өрөспүүбүлүкэтээҕи байыаннай дьайыы кыттыылаахтарыттан каадыры…
Саха сиригэр элбэх оҕолоох дьиэ кэргэттэртэн 395 устудьуон үөрэҕэр өйөбүлү ылбытын туһунан СӨ үлэҕэ уонна…