Хаартыска: ЯСИА
Бу сыл балаҕан ыйын 1 күнүттэн үрдүк үөрэх кыһаларын устудьуоннарыгар истипиэндьийэ алын кээмэйэ, көрүҥүттэн тутулуктанан, 2224-тэн 11 157 солк. буолуоҕа. Бу туһунан РФ Билимҥэ уонна үрдүк үөрэххэ министиэристибэтин иһитиннирбэтин, ТАСС билсибит.
Ол курдук, докумуоҥҥа олоҕуран, бу сыл балаҕан ыйын 1 күнүттэн үрдүк үөрэх бырагыраамаларынан үөрэнэр устудьуоннар судаарыстыбаннай академическай истипиэндьийэлэрин алын кээмэйэ 2224 солкуобайтан итэҕэһэ суох буолуохтаах, оттон социальнай истипиэндьийэ 3340 солкуобайтан кыра буолуо суохтаах.
РФ Билимҥэ уонна үрдүк үөрэххэ министиэристибэтэ быһаарбыт хайысхаларынан научнай-педагогическай каадырдары бэлэмниир бырагыраамаларынан үөрэнэр аспираннар судаарыстыбаннай истипиэндьийэлэрэ 10 513 солкуобайтан итэҕэһэ суох буолуохтаах, атын хайысхаларга — 4380 солк..
Ординатордарга муҥутуур алын судаарыстыбаннай истипиэндьийэ кээмэйэ 11 157 солк., оттон ассистент-стажердарга — 4380 солк. көрүллүбүт.
«Үөрэх кыһата быһаарар устудьуоннар судаарыстыбаннай академическай, социальнай истипиэндьийэлэрин, ону кытта аспираннар, ординатордар, ассистент-стажердар судаарыстыбаннай истипиэндьийэлэрин кээмэйдэрэ РФ бырабыыталыстыбата профессиональнай үөрэх хас биирдии таһымыгар уонна үөрэнээччилэр категорияларыгар инфляция таһымын учуоттаан олохтообут нуорматыттан кыра буолуо суохтаахтар», — диэн докумуоҥҥа ыйыллыбыт.
Докумуоҥҥа өссө суруллубутунан, төлөбүрдэр кээмэйэ бу сыл балаҕан ыйын 1 күнүттэн истипиэндьийэ муҥутуур алын кээмэйэ буолаллар. Үрдүк үөрэх кыһаларыгар судаарыстыбаннай истипиэндьийэ кээмэйэ, үөрэх кыһатыгар үөрэнээччилэри истипиэндьийэнэн хааччыйыыга көрүллэр үп-харчы нуорматыттан үрдүк буолуон сөп.
Төрдүс сылын анимация уонна дубляж устуудьуйалара үлэлиир «Тооку» оҕо телеханаала «Тооку уонна Чысхаан» диэн саҥа…
Балаҕан ыйын 1 күнүттэн күүһүгэр киирэр уурааҕынан дойдуга орто хамнаһы быһаарар саҥа бэрээдэк үлэһиттэргэ хас…
Бүтүн Арассыыйатааҕы «Аҕа дойдуга сулууспа» сырдатар аахсыйатын чэрчитинэн, Арассыыйатааҕы «Билии» уопсастыбатын өйөбүлүнэн, Дьокуускай куорат «Арктика…
Аллайыаха оройуонун Чокуурдаах бөһүөлэгэр бу сыл бүтүөр диэри кирдээх ууну ыраастыыр ыстаансыйаны үлэҕэ киллэрэри былаанныыллар.…
Александра Иванова номнуо сүүрбэ биэс сыл устата сөбүлүүр дьыалатыгар – тапталлаах «Сэттис халлаан» кафеҕа дьону-сэргэни…
Бүгүн Саха сириттэн төрүттээх «Хаҥыл» позывнойдаах байыаннай сулууспалаах Саха сирин олохтоохторугар туһаайан, байыаннай дьайыы буойуннарыгар…