«БалАнс» ансаамбыл байыаннай дьайыыга сылдьааччыларга анаан кэнсиэртээтэ

Ааптар: Саха Сирэ

09.11.2023, 18:28

Хаартыска: https://sakha.gov.ru саайтан.

Бөлөххө киир:

Алдан куоракка баар СӨ үтүөлээх артыыһа Дмитрий Швецов салайааччылаах, Саха сирин Судаарыстыбаннай филармониятын Судаарыстыбаннай концертнай оркестрын састаабыгар киирэр «БалАнс» ансаамбыл сэтинньи 8 күнүгэр академик Бурденко аатынан госпиталга уонна сэтинньи 9 күнүгэр Санкт-Петербурдааҕы 442-с госпиталга кэнсиэртээтилэр.

Хаартыска: https://sakha.gov.ru саайтан.

Кинилэр бэһиэлэр, репертуардара саха композитордарын муусукаларынан, нуучча норуодунай айымньыларынан, араас киинэ муусукаларынан олус баай. Санатар буоллахха, мусукааннар былырыын Бурденко аатынан госпиталга уонна Саха сирин Судаарыстыбаннай концертнай оркестрын кытта Киров аатынан байыаннай-мэдиссиинискэй академияҕа бэртээхэй кэнсиэртэри туруорбуттара.

СӨ Судаарыстыбаннай концертнай оркестрын дириэктэрэ Юлия Швецова иһитиннэрбитинэн, оркестр байыаннай чаастарга 1993 сылтан кэнсиэртиир уонна маны ытык иэһинэн ааҕаллар эбит. Ити этиллибит кэмҥэ оркестр Владивостоктан саҕалаан Севастопольга тиийэ араас хабааннаах кэнсиэртэри туруорбуттар.

Сэтинньи 2 күнүгэр Чита куоракка баар байыаннай чаас 26-с гвардейскай дивизиятыгар анаан кэнсиэртээбиттэр. Дивизия хамандыыра, полковник, «Эр санааланыы» уордьан кавалера Андрей Рыцев: «Айар кэлэктиипкит кэнсиэртэрэ байыаннайдарга бары өттүнэн үчүгэйинэн эрэ дьайар. Онон ис сүрэхпиттэн махтанабын», — диэн санаатын үллэстибит.

«БалАнс» ансаамбыл госпиталларга кэнсиэртээн баран, салгыы Л.Зыкина аатынан «Россия» ансаамбыл ыҥырыытынан Североморскай куоракка ыытыллар «Культурнай фарватер» диэн бырайыакка кыттыаҕа.

«БалАнс» ансаамбыл байыаннай дьайыыга сылдьааччыларга анаан кэнсиэртээтэ

Сообщить об опечатке

Текст, который будет отправлен нашим редакторам: