Бүтүн Арассыыйатааҕы «Молодые дарования России» куонкуруска Саха сириттэн балет оскуолатын үөрэнээччитэ Алексей Новогицын чаҕылхай ситиһиилэннэ диэн СИА суруйар.
Ол курдук, А.уонна Н.Посельскаялар ааттарынан балет оскуолатыгар иккис кууруска үөрэнэр устудьуон бу улахан күрэскэ кыттан лауреат үрдүк аатын ылары ситиспит.
Бүтүн Арассыыйатааҕы «Молодые дарования России» күөн күрэскэ балет оскуолатыгар үөрэнэр кэмнэригэр үрдүк ситиһиилэммит, үөрэх кыһатын айар үлэтигэр көхтөөхтүк кыттар 13-19 саастаах оҕолор кытталларын туһунан быһаарыллар.
Алексей Ноговицын Чурапчыттан кэлэн үөрэнэ сылдьар. Кини Саха сирин норуодунай артыыһын кылааһыгар, педагог Дмитрий Дмитриевка дьарыктанар. Айылҕаттан талааннаах ыччаттан элбэҕи эрэнэ кэтэһэллэр. Алексей Суорун Омоллоон аатынан опера уонна балет тыйаатырыгар туруоруллар испэктээктэргэ, кэллиэс испэктээктэригэр, араас кэнсиэртэргэ көхтөөх кыттыыны ылар. Кыра кылааска үөрэнэ сылдьан, Хочугур оруолун чаҕылхайдык толорбут. Үөрэнэр сылларыгар Сочига «Сириус» кииҥҥэ «хореография» хайысхаҕа кыттыыны ылбыт.
Кини «классическай үҥкүү» уонна «аныгы хореография» хайысхаларынан Арассыыйатааҕы уонна норуоттар икки ардыларынааҕы, өрөспүүбүлүкэтээҕи куонкурустар дипломаннара, лауреаттара диэн СИА бэлиэтэнэр.
СИА
Дьокуускайга балаҕан ыйын 21 күнүгэр "Кросс нации" сүүрүү ыытыллыаҕа. Бу туһунан СӨ физическэй култуураҕа уонна…
СӨ Борокуратууратын дааннайынан, ааспыт сууккаҕа Саха сиригэр 11 буруйу оҥоруу тахсыбыт. Дьокуускайга ювелирнай мастарыскыайы халаан,…
Таатта улууһун олохтооҕо Афанасий Лопатин хортуоппуй хостуур тэрили толкуйдаабытын туһунан СИА суруйар. Бу тэрил хортуоппуйу…
СӨ Борокуратууратын дааннайынан, 2024 сыл аҕыс ыйын иһигэр өрөспүүбүлүкэ дьахталлара 1023 буруйу оҥорбуттар, ол иһигэр…
Бүгүн, балаҕан ыйын 19 күнүгэр, Саха сирин хоту, хотугулуу-илиҥҥи, Арктика оройуоннарыгар сорох сиринэн инчэҕэй хаар,…
Саха сирин Бырабыыталыстыбатын бэрэссэдээтэлин бастакы солбуйааччы Дьулустан Борисов Нерюнгри улууһугар оробуочай сырыытын кэмигэр Соҕуруу Саха…