Болкуоҥҥа шашлык буһарааччылар улахан ыстараапка тардыллыахтара

Олоххо араас түгэн баар. Холобур, сорохтор кистии-уора болкуоҥҥа шашлык эмиэ буһарар түгэннэрэ тахсар.

Мапнна биир бэлиэтиир наада — кыбартыыраҕа эбэтэр болкуоҥҥа уонна да атын сирдэргэ аһаҕас уоту оттуу иһин 400 тыһыынча солкуобайга тиийэ ыстараап көрүллэр, диэн РИА Новости Тутуу уонна ОДьКХ кэмитиэтин солбуйааччыта Сергей Колунов кэпсээтэ.

«Кыбартыыраҕа аһаҕас уоту оттуу, болкуоннарга уонна уопсай туһаныы уопсай миэстэлэригэр баһаартан сэрэхтээх буолуу ирдэбиллэрин кэһии таһаарбыт буруйдаахтарга олус улахан суумалаах ыстараап көрүллэр. Административнай Кодексатын 20.4 ыстатыйатыгар олоҕуран, буруйу оҥорооччуларга 15 тыһыынча солкуобайга тиийэ ыстараап түһэриллэр, ону кытта ыстараап суумата 400 тыһыынча солкуобайга диэри тиийэр кыахтаах», — диэтэ Сергей Колунов.

Парламентарий быһаарарынан, баһаары утары быраабыла регламеныгар сөп түбэһиннэрэн, олорор дьиэлэртэн уонна хаһаайыстыбаннай тутуулартан 50-тан итэҕэһэ суох сиргэ аһаҕас уоту оттуохха сөп.