Балыгы уорбут тэрээһиннээх бөлөх кыттааччылара сууттаныахтара

Тоҥ балыгы уонна таба этин уорбут тэрээһиннээх  бөлөх  икки кыттыылааҕа сууттаныахтара. Бу туһунан Ис дьыала министиэристибэтин пресс-сулууспата иһитиннэрэр.

Былырыын Ис дьыала министиэристибэтэ тохсунньуга  22 саастаах суоппар-экспедитор, 29 саастаах  эр киһи  уонна  кини  бииргэ олорор дьахтара олохтоох урбаанньыттан 5 туонна  тоҥ балыгы уорбуттарын  туһунан иһитиннэрбиттэрэ.  Оччолорго Ис дьыала министиэристибэтин холуобунай ирдэбилин  управлениетын сотрудниктара  суһал  эксперимент иитинэн, уорбаланааччылартан  18  куул балыгы атыыласпыттара.

Билигин  силиэдэбэтэллэр   холуобунай дьыала үлэтин силиэстийэлээн  бүтэрэннэр, туох баар дакаастабылы  хомуйан түмтүлэр.

Тэрээһиннээх бөлөх кыттааччылара уопсайа 945 киилэ  таба этин,   4,4 туоннаттан тахса арктическай уомулу, тууччаҕы уораннар,  урбаанньыкка 2 мөл. солк. тахса хоромньуну  оҥорбуттар.