Бүгүн, сэтинньи 28 күнүгэр, «Атласовтар уһаайбалара» этническэй туристическай комплекска ураты эбийиэк аһылынна.
Ол курдук, аан дойдуга бастакы Балык кыһыытын Арктическай киинэ аһылынна. Суолталаах тэрээһиҥҥэ СӨ Бырабыыталыстыбатын Бэрэссэдээтэлэ Андрей Тарасенко кыттыыны ылла.
Атласовтар уһаайбаларын хаһаайката Валентина Атласова саха балаҕаныгар киирэн, дойду араас эрэгийиэннэриттэн кэлбит ыалдьыттарга саха норуотун үгэһин, былыр тымныы кыһыны хайдах туоруулларын кэпсээтэ, олоҥхолуулларын, хомустуулларын билиһиннэрдэ. Бу киэһэ Атласовтар дьиэ кэргэттэрэ бары кытыннылар. Аҕалара Василий Николаевич Тымныы кыһын ытык бэлиэтин — Дьыл Оҕуһун сирэйдээн көрдөрдө. Уоллара Николай аан дойдуга бастакы Балык кыһыытын арктическай киинин аста, балык кыһыытыгар маастар кылааһы көрдөрдө. Ийэлэрэ Валентина Иннокентьевна оһоҕун аһатан, балаҕаныгар ыалдьыттарын көрүстэ. Кыыстара Анна хомустаан дьиэрэттэ. Кийииттэрэ Валерия «Атласовтар уһаайбалара» эрэстэрээн саха национальнай астарын билиһиннэрдэ. Ити курдук, Атласовтар уһаайбаларыга бүгүн «Саха сирин амтана» гастрономическай бэстибээлэ үөрүүлээхтик аһыллан, бэйэтин үлэтин саҕалаата.
Салгыы суруналыыс Елена Потоцкая видеоҕа устууларын көрүҥ.
Бырагыраама уопсастыбаннай сэбиэтин чилиэнэ, "Сахатранснефтегаз" АУо генеральнай дириэктэрэ Алексей Колодезников "Саха сирэ -- дьоруойдар дойдулара"…
АЛРОСА Экологияҕа киинэ “Живые алмазы Якутии” паарканы тупсаран оҥорон эрэгийиэннээҕи бырайыактар граннарын куонкуруһа саҕаламмытын иһитиннэрэр.…
Саха сиригэр пилота суох, тепловизордаах 35 аппараат көмөтүнэн ойууру кэтээн көрүүнү күүһүрдэллэр. Саха сиригэр ойууру кэтээн көрөргө…
Арҕааҥҥылар Украинаҕа быһаччы көмөлөһөр эбит буоллахтарына, биһиэхэ да син илии уунар ыаллыы дойдулаахпыт.
Ааспыт сууккаҕа Саха сиригэр түөрт буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.…
Дьокуускайга 1 №-дээх полиция отделыгар икки киһи бэлисипиэттэрин уордарбыттарын туһунан сайабылыанньа суруйбуттар. Холуобунай ирдэбил үлэһиттэрэ…