Балыксыттары быыһаатылар

СӨ Быыһыыр сулууспата иһитиннэрбитинэн, муус устар 3 күнүгэр 16.21 ч. Нам улууһугар  Ньыкаада арыытыгар баар балыксыттар көмө көрдүүллэрин туһунан иһитиннэрии киирбит.

52 уонна  64 саастаах икки эр киһи кулун тутар 31 күнүгэр балыктыы барбыттар.  Оптуорунньукка  хаар бөҕө түһэн, дьиэлэригэр бараары тэриммиттэр да, сатаан айаннаабатахтар.  Муус устар 3 күнүгэр бэнсииннэрэ аҕыйаан, тибии тибэн, бэйэлэрэ арыыттан сатаан тахсыбатахтар. Кинилэри ааһан эрэр дьон көрөн, көмөлөһө сатаабыттар да, кыаллыбатах. Онон кинилэр балыксыттар  көмө көрдүүллэрин туһунан  02 сулууспаҕа тыллаабыттар.
Ол кэннэ, Түбэтээҕи быыһыыр этэрээт икки быыһааччыта вездеходунан айаннаабыттар. Миэстэтигэр тиийбиттэрэ, биирдэрэ көмө көрдүү барбыт эбит. Быыһааччылар
УАЗ массыыналарын таһаарбыттар, ол кэннэ балыксыт бэйэтэ айаннаабыт.