Балыксыттары быыһаатылар

Халлаан сылыйан өрүскэ, күөлгэ балыктаан күнү-дьылы атаарааччылар элбээбиттэр.

Оннооҕор күүстээх тыалтан-куустан куттамматтар, саллыбаттар. Кулун тутар 19 күнүгэр Жатай бөһүөлэгиттэн ырааҕа суох сиргэ оҕолорун кытта барбыт балыксыттар суолларын-иистэрин күүстээх тыал тибэн өрүскэ хаайтарбыттар.  Кинилэри СӨ Быыһыыр сулууспатын исписэлиистэрэ өрүһүйдүлэр. Быыһааччылар миэстэтигэр тиийбиттэрэ үс массыына тибиигэ батыллан олорор эбит.  Сэттэ улахан дьону уонна түөрт оҕону  вездеходка олордон, Дьокуускайга аҕалбыттар.