Балыктаахтар арыыга оттуу киирэн эрэллэр

Мэҥэ Хаҥалас Балыктаах сэлиэнньэтин (баһылык А.Куприянов) отчуттара чугас баар алаастарын оттоон бүтэрбиттэр. Ардах син мэһэйдээтэр даҕаны, күннэрин-дьылларын аттаран үлэлээбиттэр.

Онон билигин өрүс арыыларыгар оттуу кииритэлээн эрэллэр. Билиҥҥи туругунан, икки биригээдэ киирбит. Өрүс арыылара  Балыктаахтан 50-ча км сиргэ бааллар.

Оттон “Хаххах” кэпэрэтиип Мараҕа сайылыкка сайылаан олорор. Манна ыанньыксыттар 60-ча ынаҕы ыыллар.