СӨ Ил Түмэнин 41-с уочараттаах пленарнай мунньаҕар норуот дьокутааттара бастакы ааҕыыга «Балыктааһын, балык хаһаайыстыбатын уонна уу биологическай ресурсаларын харыстааһын туһунан» Саха сирин сокуонугар уларытыылары киллэрии барылын көрдүлэр.
Сокуон барылын көҕүлээччилэринэн норуот дьокутааттара С.М. Афанасьев, В.М. Прокопьев, А.А.Семенов уонна Д.А.Семенов буолаллар. Сокуон барылыгар «Балыктааһын сурунаалын» толорууну сүрүннүүр нуорманы эбии киллэрэргэ этиллэр. Ол курдук, 2023 с. кулун тутар 1 күнүттэн балыктааһын сурунаалын бырамыысыланнай, научнай-чинчийэр, хонтуруоллуур, үөрэххэ уонна култуураҕа-сырдатар сыалларга балыктыыр тэрилтэлэр толорор буолуохтара.
Федеральнай сокуоҥҥа эбии быһыытынан салгыы, уларытыыларга маннык этилиннэ: «Арассыыйа Уһук Илин, Сибиир уонна хоту аҕыйах ахсааннаах төрүт норуоттарын балыгы бултуур сирдэригэр, үгэс буолбут олоҕу-дьаһаҕы хааччыйарга анаан балыктааһыҥҥа, тэрилтэлэргэ «Балыктааһын сурунаала» оҥоһуллуохтаах».
Итиниэхэ Ил Түмэн сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ Сахамин Афанасьев хоту сир, Сибиир уонна Уһук Илин эрэгийиэннэрин, өрөспүүбүлүкэ олохтоохторо итиэннэ төрүт олохтоох аҕыйах ахсааннаах норуоттар үгэс буолбут олохторун-дьаһахтарын хааччыйар дьарыктара буоларынан уонна биирдиилээн аһылык быһыытынан бултуулларыгар «Балыктааһын сурунаала» ирдэммэтин быһаарда. Сокуон бастакы ааҕыыга ылылынна.
Ил Түмэн хаартыската
Олунньу 21 күнүгэр Саха Өрөспүүбүлүкэтин Судаарыстыбаннай Үүнэр көлүөнэ тыйаатыра байыаннай дьайыы кыттыылаахтарын хорсун быһыыларын үйэтитэр…
Бүгүн Креативнай индустрия кэллиэһигэр Аҕа дойду тас өттүгэр ытык иэстэрин толорбут интернационалист буойуттар күннэригэр уонна…
РИА-Новости иһитиннэрэринэн, Санкт-Петербург куоракка эбсийээнэ уоспатынан ыалдьыы икки түбэлтэтэ бэлиэтэммит. Уобаластааҕы Роспотребнадзор чахчыларынан, Таиланд Королевствотыттан…
ИДьМ Чурапчытааҕы салаатын дьуһуурунай чааһыгар түөкүннээһиҥҥэ түбэспит киһиттэн сайабылыанньа киирбит. Ол курдук эр киһи саппаас…
Билигин бырааска тэйиччиттэн суруттарар кыах баар буолла. Электроннай больничнайы эмиэ маннык оҥорторуохха сөп. Ол барыта…
Беларусь Өрөспүүбүлүкэтин Минскэй куоратыгар олунньу 20-22 күннэригэр үс төгүллээх олимпийскай чөмпүйүөн Александр Медведь бирииһигэр көҥүл…