Балыктыы сылдьан сүрэҕэ ыалдьыбыт киһиэхэ көмөлөстүлэр

Бэҕэһээ, муус устар 10 күнүгэр, СӨ Быыһыыр сулууспатыгар 112 биир кэлим нүөмэр нөҥүө Дьокуускай куорат таһыгар балыктыы сылдьар киһи эмискэ  сүрэҕэ ыалдьан мэдиссиинискэй көмөҕө наадыйарын туһунан суһал иһитиннэрии киирбит.

Көмөҕө Быыһыыр сулууспа уонна Катастрофа мэдиссиинэтин миэдиктэрэ  «СеверТрак» вездеходунан айаннаабыттар. Сотору кэминэн ыйыллыбыт сиргэ тиийэн, ыалдьыбыт киһиэхэ суһал көмөнү оҥорбуттар. Ол кэннэ икки балыксыты Дьокуускайга аҕалбыттар.