Хаартыска Ил Дархан пресс-сулууспатыттан
Бу сыл балаҕан ыйын 1 күнүттэн ууга куттала суох буолуу туһунан саҥа сокуон үлэҕэ киирэринэн, балыксыттар пааспардарын булгуччу илдьэ сылдьаллара ирдэнэр буолуо. Бу туһунан ЫБММ ГИМС управлениетын департаменын начаалынньыга Алексей Петров rg.ru иһитиннэрдэ.
Кини саҥа нуорма ууга оҥочонон балыктыыр балыксыттарга эрэ сыһыаннаах буоларын быһаарда. Маннык түгэннэргэ ГИМС иниспиэктэрэ ЫБММ катерынан сылдьан, балыксыт личииниэһин туоһулуур докумуоннары ирдиэн сөп. Балыксыт бэйэтигэр сылдьыахтаах сүрүн докумуонунан, бастатан туран, пааспар буолуохтаах. Маны таһынан балыксыт лиичинэһин байыаннай билиэтинэн эмиэ бигэргэтиэн сөп.
Итини таһынан, балыксыттар ЫБММ сулууспатыгар регистрацияламмыт суудуналарга сылдьан балыктыыр буоллахтарына, пааспар көрдөллөрө ирдэммэт. Кинилэр иниспиэктэргэ мотуордаах оҥочолорун уонна катеры салайар бырааптаах дастабырыанньаны көрдөрүөхтэрин сөп.
Аны туран Алексей Петров быһаарарынан, биэтэктэн туран балыктыыр балыксыттартан иниспиэктэрдэр пааспары бэрэбиэркэлиир кыахтара суох. Иниспиэктэр ити сырыыга балыксыт аттыгар кэккэлэһэ турар оҥочо баар да буоллаҕына ирдиэ суохтаах. Биэтэккэ турар балыксыттан ити сырыыга докумуону ИДьМ үлэһитэ бэрэбиэркэлиир.
Оттон балыксыт докумуона суох түгэнигэр, иниспиэктэр биэрэккэ таһааран, балыксыт лиичинэһин быһаарарга полиция илиилэригэр туттарыан сөп. Ордук «айдааннаах» балыксыттарга иниспиэктэр наручник кэтэрдэрэ көҥүллэнэр.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…