Балыыһаҕа бииргэ сыппыт киһитин төлөпүөнүн уорбут

Абый оройуоннааҕы ИДьМ дьуһуурунай чааһыгар эр киһи балыыһаҕа сытан төлөпүөнүн уордарыбытын туһунан иһитиннэрбит. Бу туһунан СӨ ИДьМ пресс-сулууспата суруйар.

Маныаха холуобунай ирдэбил үлэһиттэрэ 33 саастаах киһи уорбаланарын быһаарбыттар.

Быһаарыллыбытынан, эмсэҕэлээччи уонна уорбаланааччы биир кэмҥэ балыыһаҕа сытан эмтэммиттэр. Эр киһи холодильник үрдүгэр төлөпүөнүн хаалларан баран наадатыгар барбытын туһанан, уорбаланааччы уоран ылбыт. Онтон салгыы кини эмсэҕэлээччи балыыһаттан таҕыстаҕына туттуом дии санаан, төлөпүөнү ванна анныгар кистээбит. Эр киһи төлөпүөнүн сүтэрэн көрдүү сатаабыт, онно көрдөспүтэ буолан көмөлөспүт. Төлөпүөнүн булбакка, аҕыйах күнүнэн балыыһаттан тахсыбыт, ол кэнниттэн анараа киһи төлөпүөнү ылан туһанан саҕалаабыт.

Уоруллубут төннөрүллүбүт, холуобунай дьыала тэриллибит.