Балыыһаҕа киирбит дьахтар хоһуттан уоран тутуллубут

ИДьМ сулууспатын Ленскэй оройуонун отделын дьуһуурунай чааһыгар кыһыл көмүс сыабын уонна 6 тыһ. солкуобайын уорбуттарын туһунан олохтоох дьахтартан үҥсүү киирбит.

Суһал-ирдиир тэрээһин түмүгэр буруйдааҕы булбуттар. Урут хаста да сууттана сылдьыбыт 33 саастаах дьахтар эбит. Онно биллибитинэн, балыыһаҕа киирэригэр дьахтар таһынааҕы хоско олорор дьахтарыгар хоһун күлүүһүн хаалларбыт, малын-салын көрөрүгэр көрдөспүт.

Уорбаланар дьахтар көрөрүн оннугар дьиэни чүүчэйбит, 6 тыһ. солкуобай харчыны уонна кыһыл көмүс сыапачыканы булбут. Уорбут харчытынан арыгы атыыласпыт, оттон ювелирнай оҥоһугун арыгылыыр кэмигэр сүтэрэн кэбиспит. Арассыыйа Федерациятын Холуобунай кодексатын  158 ыст 2 ч.  “Уоруу” холуобунай дьыала көбүтүллүбүт. Буруйдаах 5 сылга диэри көҥүлэ быһыллыан сөп, диэн ИДьМ  пресс-сулууспата иһитиннэрэр.