Хаартыска: СИА.
Дьокуускай куоракка полицейскайдар балыыһаҕа киирбит табаарыһын каартатыттан мөлүйүөн аҥаара харчыны уорбут киһини туттулар. Бу туһунан ИДьМ пресс-сулууспата иһитиннэрдэ.
Дьокуускай полициятын 1-кы нүөмэрдээх отделын дьуһуурунай чааһыгар баан каартатыттан 525 тыһ. солк. харчытын уордарбыт киһиттэн сайабылыанньа киирбит.
Суһал-ирдиир үлэ кэмигэр оперативниктар уорбаланааччыны, эмсэҕэлээччи табаарыһын, Уус Маайаттан төрүттээх 45 саастаах эр киһини туппуттар.
Барыллааһын быһыытынан быһаарыллыбытынан, эмсэҕэлээччи табаарыстарын уонна быраатын кытары гостиницаҕа арыгылаабыттар. Нөҥүө күнүгэр эмсэҕэлээччи ыарытыйан суһал көмөнү ыҥыран, балыыһаҕа госпитализацияламмыт. Оттон табаарыстара салгыы гостиницаҕа хаалбыттар. Ол кэмҥэ уорбаланааччы балыыһаҕа киирбит табаарыһа каартата хоско хаалбытын бэлиэтии көрбүт. Итиэннэ ким да көрбөтүгэр уоран ылбыт. Дьэ ол кэнниттэн хас да хонук устата араас ас-үөл, арыгы атыыласпыт, гостиница харчытын төлөөбүт. Уопсайа мөлүйүөн аҥаара харчыны матайдаабыт.
Эр киһиэхэ РФ Холуобунай кодексын 158 ыст. 3 ч. холуобунай дьыала тэриллибит.
СӨ Экологияҕа, айылҕаны туһаныыга уонна ойуур хаһаайыстыбатыгар миниистирэ Евгений Перфильев өрөспүүбүлүкэ акваторияларын ыраастааһыҥҥа баар былааннар…
Хой Бу нэдиэлэ саҕаланыыта улахан дьыалаҕа ылсыма, туттуна сырыт. Ол эрээри, уһун кэмнээх былааннары санааҕар…
Бүгүн, ахсынньы 26 күнүгэр, Саха сирин сорох улуустарыгар -51 кыраадыс буолара күүтүллэр диэн УГМС иһитиннэрэр.…
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…