Балыыһаттан куурка уорбут

Дьокуускай куорат биир балыыһатыттан куурканы уорбут киһини туттулар.

Ол курдук  таҥаһын уордарбыт киһи дьуһуурунай чааска сайабылыанньа киллэрбит.  Эмсэҕэлээччи кэпсээбитинэн, 10 тыһ. солк. кууркатын гардеробка хаалларбытын уоран ылбыттар.

Суһал-ирдиир үлэ кэмигэр холуобунай ирдэбил үлэһиттэрэ урут сууттана сылдьыбыт Мэҥэ Хаҥаластан төрүттээх 45 саастаах уорбаланааччыны туппуттар.

Эр киһи балыыһа гардеробугар киирэн атын киһи кууркатын уорбут.  Уоруйах куурканы бэйэтэ кэтээри ылбытын туһунан полиция үлэһиттэригэр кэпсээбит.

Билигин эр киһиэхэ РФ Холуобунай кодексын 158 ыст. 2 чааһынан холуобунай дьыала көбүтүллүбүт.