Банкомакка умнуллубут харчыны уорбут

Нерюнгригэ атыы-эргиэн киинигэр баар банкомакка 14 тыһ.солк. умнуллубутун көрөн, дьахтар уоран ылбыт.

Бу туһунан СӨ борокуратууратын пресс-сулууспата иһитиннэрдэ. Ол курдук, уорбаланааччы дьахтар банкомакка тус наадатыгар кэлэн баран, харчы бэриллиэхтээх сиригэр 14 тыһ.солк. сытарын көрөн сиэбигэр уктубут уонна ол харчыны тус наадаларыгар туттубут. Нерюнгри куоратын борокуратуурата Арассыыйа Федерациятын холуобунай кодексатын 158 ыст 2 ч «в» п. «Уоруу» диэнинэн холуобунай дьыала тэриллибит. Дьыаланы борокуратуура суукка ыыппыт. Уорбалнааччы биэс сылга хаайыы болдьоҕор уураахтаныан сөп.