Барга билсэн баран харчытын уорбут

Дьокуускай  полицейскайдара 44 тыһ. солк. кэриҥэ харчыны уорууга уорбаланар киһини туттулар. 

Полиция 1-кы №-дээх отделын дьуһуурунай чааһыгар   баанын каартатыттан 44 тыһ. солк. тахса харчытын уордарбыт киһиттэн сайабылыанньа киирбит.

Бэрэбиэркэ кэмигэр холуобунай ирдэбил үлэһиттэрэ буруйдааҕы булбуттар. Ол курдук 22 саастаах Сунтаар ыччата эбит.

Быһаарыллыбытынан, эр дьон Дьокуускай куорат биир түүҥҥү барыгар билсибиттэр уонна арыгылаабыттар. Уорбаланааччы эр киһи итирбитин туһанан, суотабай төлөпүөнүн ылан  СМС-иһитиннэрии нөҥүө харчыны ыыттаран, уопсайа  44 900 солк. уорбут.

Эмсэҕэлээччи  харчыта сүппүтүн икки күн буолан баран билбит уонна полицияҕа тыллаабыт.

Билигин эдэр киһиэхэ  РФ Холуобунай кодексын 158 ыст. 3 чааһынан холуобунай дьыала көбүтүлүннэ.