Балаҕан ыйын 2 күнүттэн “Национальнай приоритеттар” АНО туристическай айан сүрүн кэрэхсэнэр өрүттэрин сырдатар угуйук хампаанньатын саҕалаата.
Ол эбэтэр сезоннар икки ардыларынааҕы кэм (межсезонье) «эксклюзивнай» дэнэр, киэҥ-холку, киһини туохха да ыксаппат, ыгылыппат сынньалаҥ — эйиэхэ эрэ ананар. Хампаанньа сыала-соруга — быстах кэмҥэ сынньалаҥ туһалааҕын көрдөрүү уонна туризм өҥөлөрүн ырыынагар Арассыыйа олохтоохторун болҕомтотун тардыы.
“Туризм уонна ыалдьыттааһын индустрията” национальнай бырайыак өйөбүлүнэн оҥоһуллар Путешествуем.РФ саайтка ити сыалтан сезоннар икки ардыларынааҕы кэм анал маршруттара ыйынньык быһыытынан таҥыллан киирдилэр.
Стас Михайлов “Барыта эйиэхэ” («Все для тебя») диэн ырыатыттан ылыллыбыт строкалар тэлэбиидэнньэҕэ, интэриниэккэ уонна араадьыйаҕа угуйук-видеоларга иһиллэр буоллулар, ону тэҥэ тас эрэкэлээмэ макеттарыгар туттуллаллар.
«Однажды в межсезонье» диэн видео сүрүн дьоруойдара сынньалаҥнарыттан улахан туһаны ылыахтарын баҕаралларын туһунан кэпсэнэр. Маннык кэмҥэ куораттар туристар элбэх ахсааннарыттан босхолоноллор, сыана түһэр, “хаартыскаҕа уочарат” суох, үлэһиттэр эйиэхэ элбэх бириэмэни уонна болҕомтону уурарга бэлэмнэр. Эн чэпчэтии арааһынан туһаныаххын уонна бастыҥ усулуобуйаҕа «сөтүөлүөххүн» сөп. Манна барыта — эн баҕарбытыҥ курдук, туох да мэһэйдээбэт…
Сезон икки ардынааҕы кэм экскурсияҕа уонна култуурунай туризмҥа эмиэ табыгастаах. Ол курдук, Санкт-Петербург, Казань, Нижнэй Новгород түмэллэрэ, Калининградтааҕы аан дойду акыйаанын мусуойа, Калугаҕа — Космонавтика түмэлэ уонна да атын элбэх дойду таһымнаах интэриэһинэй култуура уонна ускуустуба эбийиэктэрэ туристар аҕыйаан, иһийэн, чуумпуран турар кэмнэрэ.
Туризм индустрията үгэс быһыытынан айанньыттарга маннык сезон икки ардыгар сынньаныы кэмигэр араас чэпчэтиилэри оҥорорун туһаныҥ, холкутук сынньаныҥ.
Соторутааҕыта Мэҥэ Хаҥалас улууһугар Төҥүлү нэһилиэгэр “Нөмүгү“ сайылыгар уонтан тахса сыл олохсуйан олорор Николай Баишев-Бойцов…
Быйыл Ньурбатааҕы судаарыстыбаннай көһө сылдьар драматическай тыйаатыр бастакы дириэктэрэ, Саха АССР үтүөлээх артыыһа Александр Алексеевич…
Өймөкөөн улууһугар уһун кэмнээх ардахтартан сорох нэһилиэнньэлээх пууннар ууга барбыттарынан сибээстээн, балаҕан ыйын саҥатыгар Өймөкөөн,…
Бүгүн, балаҕан ыйын 19 күнүгэр, Ил Дархан Айсен Николаев Орто Халыма куоратыгар үлэлээтэ. “Орто Халыма…
Синоптиктар бэлиэтииллэринэн, балаҕан ыйын 20 күнүгэр киин улуустарга -3...-8 кыраадыска диэри тымныйыан сөп. Дьокуускайга түүн …
Дьокуускай куоракка уулуссалар ааттарын, дьиэлэр нүөмэрдэрин бэрэдээктээһин ыытыллар буолбута көстөр. Ол курдук, соторутааҕыта Ленин проспегар…