Бэҕэһээ, сэтинньи 22 күнүгэр, Нам улууһун Партизан нэһилиэгэр үөрүүлээх күн буолла. Ол курдук нэһилиэккэ икки этээстээх, толору хааччыллыылаах бастакы таас дьиэ үлэҕэ киирдэ.
Үөрүүлээх тэрээһиҥҥэ улуус баһылыга Юрий Слепцов кыттыыны ылла уонна саҥа дьиэ хаһаайыттарын өр күүппүт үөрүүлээх күннэрэ тосхойбутунан эҕэрдэлээн туран, истиҥ тыллары эттэ. Үгүс үтүөнү баҕарда уонна кыбартыыраларын күлүүстэрин мустубут дьон ытыс тыаһын доҕуһуолунан, үөрүүлээх быһыыга-майгыга туттарда.
«Хаарбах туруктаах дьиэлэртэн дьону көһөрүү» федеральнай бырагырааманан тутуллубут саҥа дьиэҕэ түөртүү кыбартыыралаах совхоз саҕанааҕы эргэ дьиэлэргэ олорор ыаллар киирдилэр. Саҥа дьиэ арыллыытыгар улуус депутаттарын Сэбиэтин бэрэссэдээтэлэ Алексей Винокуров, Партизан нэһилиэгин баһылыга Алексей Зырянов, дьиэни туппут тэрилтэ салайааччыта «Технопрофи» ХЭТ генеральнай дириэктэрэ Максим Макаров уонна тэрилтэ үлэһиттэрэ, «Нам улууһа» МТ тутуу уонна архитектура управлениетын начаалынньыга Петр Эверстов, управление исписэлиистэрэ кыттыыны ыллылар, нэһилиэк олохтоохторун, саҥа дьиэ хаһаайыттарын эҕэрдэлээтилэр. Улуус баһылыга Юрий Иннокентьевич Слепцов уонна Партизан нэһилиэгин баһылыга Алексей Николаевич Зырянов дьиэни туппут тэрилтэ үлэһиттэригэр эҕэрдэ суруктары туттардылар.
Хаарбах туруктаах, эргэ дьиэттэн саҥа таас, толору хааччыллыылаах кыбартыыраларга көһөн киирэр ыаллар ааттарыттан, үлэ бэтэрээнэ, 40 сыл доруобуйа харыстабылыгар үлэлээбит, СӨ доруобуйа харыстабылын туйгуна Евдокия Николаевна Третьякова махтал тыллары эттэ уонна тутааччыларга бэлэхтэрин туттарда.
Өссө да Бартыһаан нэһилиэгэ үүнэ-сайда турдун, кэрэ тутуулар кэккэлэһэн истиннэр!
«Нам улууһа» МТ пресс-сулууспата
“Миигин биир кыһалҕа кыһарыйбыта ыраатта, онуоха сөптөөх харданы ханна да булан аахпатым, ыйыталаспыт дьонум эмиэ…
Сальтисон диэн Чехияҕа, Польшаҕа, Белоруссияҕа, Венгрияҕа былыр-былыргыттан тарҕаммыт ас, халбаһы көрүҥэ. Ис буотараҕы, сүөһү, сибиинньэ…
Быйылгы күрэс төрүт көрүҥнэригэр XXll Манчаары оонньууларын кыайыылаахтарыгар сылгы, ынах сүөһү бириистэри спонсордар хото биэрдилэр.…
Ааспыт сууккаҕа Саха сиригэр үс буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
Бүгүн, от ыйын 13 күнүгэр, «Россия 24» телеханаалга 19.00 чаастан ГТРК «Саха» анал бырайыагын - …
Намныыр суолга түөрт массыына кыттыылаах суол быһылаана таҕыста. Бу туһунан Госавтоинспекция иһитиннэрэр. Барыллааһын быһыытынан, от…