«Бары бииргэ Кыайыыга!» пуорум буолаары турар

Саха сиригэр ахсынньы 4-25 күннэригэр байыаннай дьайыы кыттыылаахтарыгар уонна кинилэр дьиэ кэргэттэригэр бэйэлэрин баҕаларынан көмөлөһөөччүлэр «Бары бииргэ Кыайыыга!» пуорумнара буолаары турар.

Бу улахан тэрээһиннэр Дьокуускайга, Нерюнгрига, Ньурбаҕа уонна Мэҥэ Хаҥалас улууһугар Майаҕа ыытыллаллар.

Манна байыастар уонна кинилэр дьиэ кэргэттэрин  олохторугар өйөбүлү оҥорор, көмөлөһөр волонтердар кыттыахтара.

Пуорум ахсынньы 4 күнүттэн Нерюнгрига саҕаланыа. Ахсынньы 17 күнүгэр волонтердар Ньурбаҕа түмсүөхтэрэ. Ахсынньы 23 күнүгэр тэрээһин Майаҕа буолуоҕа. Түмүктүүр тэрээһин Дьокуускайга ахсынньы 25 күнүгэр буолара былааннанар.

Пуорум иитинэн добровольческай (волонтердар) хамсааһыннар, түмсүүлэр көхтөөх кыттааччылара, салайааччылара кыттыылаах пленарнай дискуссия былааннанар. Санаа атастаһыыта болҕомтону тардыаҕа.

Пуоруму тэрийээччилэринэн СӨ ыччат дьыалатын уонна социальнай алтыһыытын министиэристибэтэ, «Патриот» ыччат киинэ уонна «Бары бииргэ Кыайыыга!» өрөспүүбүлүкэтээҕи суһал ыстаап хамыыһыйатын сүрүннүүр киинэ буолаллар.

Сиһилии: https://www.sakha.gov.ru/news/16304

СӨ Ил Дарханын уонна Бырабыыталыстыбатын пресс-сулууспата