Хаартыска: Сахагов.ру
Сэтинньи 12 күнүгэр Экология, технологическай уонна ядернай хонтуруол федеральнай сулууспата («Ростехнадзор») улуустар, куораттар 2025-2026 сс. күһүҥҥү-кыһыҥҥы кэмҥэ бэлэмнэрин бэрэбиэркэлээһин түмүгүн таһаарар мунньаҕы ыытта диэн Саха сирин ОДьКХ, хомунаалынай хаһаайыстыба уонна энэргиэтикэ министиэристибэтэ иһитиннэрдэ.
Өрөспүүбүлүкэ бырабыыталыстыбатын аатыттан ОДьКХ, хомунаалынай хаһаайыстыба уонна энэргиэтикэ миниистирэ Вячеслав Емельянов уонна «Ростехнадзор» Өлүөнэтээҕи управлениетын салайааччытын солбуйааччы Александр Козлов кыттыыны ыллылар. Мустубут дьоҥҥо өрөспүүбүлүкэҕэ ититии сезонугар бэлэмнэниигэ ыытыллыбыт кэлим үлэ туһунан отчуоту билиһиннэрдилэр.
Өрөспүүбүлүкэ 45 муниципальнай тэриллиитэ уонна куорат уокуруктара кэтээн көрөр уорганнарга бары ирдэнэр докумуоннары кэмигэр уонна толору туттаран, бэлэмнээх буолуу пааспардарын ыллылар.
«Пааспары ылыы ыксаллаах быһыы-майгы тахсарыттан 100% мэктиэлиир буолбатах диэн бэлиэтиэхпин баҕарабын. Кытаанах килиимэт усулуобуйата олус намыһах температуралаах кэмҥэ инфраструктураҕа улахан ноҕуруусканы оҥорор. Саахал тахсарын кыччатыыга уонна ыксаллаах быһыы-майгы үөскээһинин сэрэтэргэ бары миэрэлэри эппиэтинэстээхтик олоххо киллэриэххэ наада. Бу эрэ ньыманан саахал тахсар кутталын кыччатыахха уонна саамай ыарахан кэмҥэ үлэҕэ харгыс тахсыбатын сэрэтиэххэ сөп», — диэн бэлиэтээтэ Емельянов.
Саха сиригэр 1157 хочуолунай, 4163 км ититэр ситим, 1763 км уу турбатын ситимэ, 748 км канализационнай ситим, 853 км элэктэриичэстибэ лииньийэтэ, 116 дизельнэй электро-ыстаансыйа быйылгы ититии сезонугар бэлэмнэр.
«Ростехнадзор» муниципальнай тэриллиилэр ититии сезонугар бэлэмнэрин бэрэбиэркэлиир.
Олунньу 21 күнүгэр Саха Өрөспүүбүлүкэтин Судаарыстыбаннай Үүнэр көлүөнэ тыйаатыра байыаннай дьайыы кыттыылаахтарын хорсун быһыыларын үйэтитэр…
Бүгүн Креативнай индустрия кэллиэһигэр Аҕа дойду тас өттүгэр ытык иэстэрин толорбут интернационалист буойуттар күннэригэр уонна…
РИА-Новости иһитиннэрэринэн, Санкт-Петербург куоракка эбсийээнэ уоспатынан ыалдьыы икки түбэлтэтэ бэлиэтэммит. Уобаластааҕы Роспотребнадзор чахчыларынан, Таиланд Королевствотыттан…
ИДьМ Чурапчытааҕы салаатын дьуһуурунай чааһыгар түөкүннээһиҥҥэ түбэспит киһиттэн сайабылыанньа киирбит. Ол курдук эр киһи саппаас…
Билигин бырааска тэйиччиттэн суруттарар кыах баар буолла. Электроннай больничнайы эмиэ маннык оҥорторуохха сөп. Ол барыта…
Беларусь Өрөспүүбүлүкэтин Минскэй куоратыгар олунньу 20-22 күннэригэр үс төгүллээх олимпийскай чөмпүйүөн Александр Медведь бирииһигэр көҥүл…