Бары улуустарынан реабилитацияланарга тэхиниичэскэй сириэстибэлэри прокаттыыр пууннар аһылыннылар

Реабилитацияланарга  тэхиниичэскэй сириэстибэлэри прокаттыыр пууннар өрөспүүбүлүкэ бары улуустарыгар уонна Дьокуускай куоракка аһылыннылар, диэн СӨ Үлэҕэ министиэристибэтэ иһитиннэрэр.

«Эһиэхэ эбэтэр чугас дьоҥҥутугар быстах кэмҥэ торуоскалар, инбэлиит кэлээскэтэ эбэтэр олорорго чэпчэтэр атын тэриллэр наада буоллахтарына, эһиэхэ көмөлөһүөхтэрэ. Тэхиниичэскэй тэриллэр быстах кэмҥэ туһанарга биэрии туһунан дуогабарга олоҕуран бэриллэллэр. Дуогабарга ыйыллыбыт болдьох бүтүүтэ, тэхиниичэскэй тэрили килийиэн эбэтэр кини сокуоннай бэрэстэбиитэлэ прокат пуунугар төннөрөр», – диэн Үлэҕэ уонна социальнай сайдыыга министиэристибэтигэр бэлиэтээтилэр.

Тэриллэри инбэлииттэргэ (бу тэриллэр кинилэр реабилитациялыыр бырагыраамаларыгар көрүллүбэтэх буоллахтарына), аҕам саастаах дьоҥҥо уонна быраас ыйыытынан  гражданнарга бэриллэллэр.