Барыластан куоракка 20 чаас айанныылар

Хоту дойдуга кыһыҥҥы суол хойутаабакка аһыллара, үчүгэйдик оҥоһуллара эргиччи туһалаах.  Ол курдук, хоту дойду олохтоохторо Дьокуускай куоракка балыыһаларга көрдөрө, араас атын наадаларынан кыһыҥҥы суолунан айанныыллар.

Холобура, “Полиметалл” хампаанньа Дьааҥы улууһун Барылаһыгар диэри суолу оҥорон абыраабыт. Онон улууска олохтоох урбаанньыт Григорий Алексеев Сартаҥтан кэлэн барыластары Дьокуускайга илдьибит. Айан сыаната – 10 000 солкуобай. Барыластар суол арыллан, сүүрбэ чааһынан куоракка тиийэр буолбуттарыттан үөрэллэр уонна урбаанньыкка махтаналлар.