Барыластар окко киирбиттэрэ

Дьааҥы улууһун Барылаһын олохтоохторо от ыйын 1 күнүттэн күнү-дьылы баттаһа окко киирбиттэрэ. Кинилэр илиинэн оттууллар.

Уон кэтэх хаһаайыстыба, 3 бааһынай хаһаайыстыба окко туруммуттар.

Барылас дьаһалтатын тыа  хаһаайыстыбатын исписэлииһэ Максим Маевич Слепцов иһитиннэрбитинэн, кэтэхтэр 8 туоннаны, “Уйгу” бааһынай хаһаайыстыбата 3 туоннаны кэбистилэр.

Барыластар сыл тахсар отторун булунар дьүккүөрдээхтэр.

Хаартыска: архыып