Барыластар Родимир Максимовка соноҕоһу бэлэхтээтилэр

Байыаннай дьайыы кэмигэр Саха сириттэн сылдьар байыастар хорсун быһыыны көрдөрөллөр. Саамай чулуулар Арассыыйа Дьоруойдара буоллулар.

Кинилэр ааттарынан Саха сирин олохтоохторо киэн тутталлар, кинилэргэ махтаналлар.
Ол курдук, ыраах Дьааҥы улууһун Барылас олохтоохторо Родимир Максимовка бэйэлэрин бэлэхтэрин туттардылар. Кытыылыыр соноҕоһу (3 саастаах) биэрэр туһунан сэртипикээти нэһилиэк баһылыга Иван Васильевич Стручков туттарда. Барылас олохтоохторо кини оҥорбут хорсун быһыытынан киэн тутталларын туһунан эттэ.